અમરેલી,8 નવેમ્બર (હિ.સ.) અમરેલી જિલ્લાના જાફરાબાદ દરિયાકાંઠે બનેલી એક જીવલેણ ઘટનામાં ઇન્ડિયન કોસ્ટ ગાર્ડે સમયસર કામગીરી કરીને એક ખલાસીનો જીવ બચાવ્યો હતો. અરબી સમુદ્રના મધ્યમાં દરિયાની ઊંડાઈમાં થયેલી આ ઘટના દરમિયાન, ખલાસી ગંભીર રીતે ઇજાગ્રસ્ત થયો હતો. કોસ્ટ ગાર્ડની ઝડપી કામગીરી અને પ્રોફેશનલિઝમના કારણે તેની જિંદગી બચી શકી હતી.

મળતી માહિતી અનુસાર, જાફરાબાદ બંદરથી આશરે 60 નોટિકલ માઇલ દૂર ‘મહેશ્વરી સાગર’ નામની ફિશિંગ બોટ પર ખલાસી તરીકે ફરજ બજાવતા ભીખુ નારણભાઈને કામ દરમિયાન ગંભીર ઈજા થઈ હતી. દરિયાના મધ્યમાં હજીબાજી ભરેલી પરિસ્થિતિમાં ઈજાગ્રસ્ત ખલાસીની હાલત નાજુક બની ગઈ હતી. બોટના અન્ય ક્રૂ સભ્યોએ તરત જ તટ પર મદદ માટે સંદેશો મોકલ્યા હતા.

જેમ જ આ સંદેશો જાફરાબાદના કોસ્ટ ગાર્ડ કંટ્રોલ રૂમ સુધી પહોંચ્યો, તાત્કાલિક રેસ્ક્યુ ઓપરેશન શરૂ કરવામાં આવ્યું. ઇન્ડિયન કોસ્ટ ગાર્ડની ઝડપી રેસ્ક્યુ ટીમ તરત જ હેલિકોપ્ટર અને પેટ્રોલિંગ શિપ સાથે ઘટનાસ્થળ તરફ રવાના થઈ. ખલાસીની બોટ ઘટનાસ્થળથી આશરે 30 નોટિકલ માઇલ દૂર હતી, તેમ છતાં કોસ્ટ ગાર્ડની ટીમે સમય ગુમાવ્યા વિના સ્થળ સુધી પહોંચી ગઈ.

કોસ્ટ ગાર્ડના જવાનો ખલાસીને સુરક્ષિત રીતે બોટમાંથી બહાર કાઢવામાં સફળ રહ્યા હતા. દરિયાના ઉંચા મોજા અને તીવ્ર પવન વચ્ચે પણ રેસ્ક્યુ ટીમે દમદાર હિંમત સાથે કામગીરી પૂરી કરી હતી. ખલાસીને બોટમાંથી બહાર કાઢ્યા બાદ જવાનો દ્વારા તેને સ્થળ પર જ પ્રાથમિક સારવાર આપવામાં આવી હતી.

ત્યારબાદ કોસ્ટ ગાર્ડની ટીમે ખલાસી ભીખુ નારણભાઈને દરિયાકાંઠા તરફ ખસેડી તાત્કાલિક હોસ્પિટલ પહોંચાડ્યો હતો. હોસ્પિટલમાં પહોંચ્યા બાદ ખલાસીનું તબીબી નિરીક્ષણ કરવામાં આવ્યું, જેમાં હાલ તેની સ્થિતિ સ્થિર હોવાનું જાણવા મળ્યું છે.

કોસ્ટ ગાર્ડના આ ઝડપી અને સમયસરના રેસ્ક્યુ ઓપરેશનને લીધે એક ખલાસીનું જીવન બચી શક્યું છે. આ ઘટનાએ ફરી એકવાર સાબિત કર્યું છે કે દરિયામાં મુશ્કેલીમાં ફસાયેલા માછીમારો અને ખલાસીઓ માટે ઇન્ડિયન કોસ્ટ ગાર્ડ હંમેશા જીવલેણ પરિસ્થિતિમાં પણ ફરજ નિભાવવા તત્પર છે.

હિન્દુસ્થાન સમાચાર / Gondaliya Abhishek Nandrambhai