જૂનાગઢ 10 ડિસેમ્બર (હિ.સ.) ખાસ સઘન સુધારણા કાર્યક્રમ 2025 અંતર્ગત આજે નાયબ જિલ્લા ચૂંટણી અધિકારી, જુનાગઢ નિકુંજકુમાર ધુળાની અધ્યક્ષતામાં માનનીય તથા વિવિધ માન્ય રાજકીય પક્ષોના પ્રતિનિધિઓ તથા ધારાસભ્ય પ્રતિનિધિઓની બેઠક યોજાઈ હતી.

બેઠકમાં જિલ્લા સ્તરે મતદાર યાદી સઘન સુધારણા(SIR) કામગીરીની સમીક્ષા કરવામાં આવી હતી. કાર્યક્રમ અંતર્ગત જુનાગઢ જિલ્લામાં ડિજિટાઇઝેશન તથા અનકલેક્ટેબલ ફોર્મ્સ મળી એકંદરે 100 ટકા કામગીરી પૂર્ણ થઈ હોવાનું અધિકારીએ જણાવ્યું હતું.

આ પ્રસંગે માન્ય રાજકીય પક્ષોના પ્રતિનિધિશ્રીઓને મતદાન મથકોની આખરી સુધારેલી યાદી તથા ખાસ સઘન સુધારણા કાર્યક્રમ હેઠળ તૈયાર કરવામાં આવેલ ASD (ગેરહાજર, કાયમી સ્થળાંતર, મૃત્યુ) યાદી બુથ વાર પેન ડ્રાઈવ સ્વરૂપે અને હાર્ડ કોપીમાં હસ્તાંતરિત કરવામાં આવી હતી તેઓને યાદીમાં તેમના કોઈ વાંધા કે સૂચનો હોય તો રજૂ કરવા જણાવવામાં આવ્યું હતું જેથી ડ્રાફટ મતદાર યાદી ચોકસાઈ પૂર્વક બની શકે.

કાર્યક્રમ અંતર્ગત હાલમાં જિલ્લાના 1300344 મતદારો પૈકી નો મેપિંગ કેટેગરીના 1,02,078 મતદારો છે તથા અનકલેક્ટેબલ કેટેગરીના (મૃત્યુ–52,885, ગેરહાજર–22,629, કાયમી સ્થળાંતર–69,628, ડુપ્લિકેટ–6,308 તથા અન્ય–635) મળી કુલ 1,52,085 મતદારો છે.

18 વર્ષ થી ઉપરના લોકો મતદારયાદીમાં ફોર્મ નંબર 6 ભરી પોતાનું નામ નોંધાવે તે માટે રાજકીય પક્ષોને મદદરૂપ થવા આહવાન કરવામાં આવ્યું હતું

તદઉપરાંત, હાલ પણ નો મેપિંગ કેટેગરીના મતદારોની વિગતો શોધી તેમને યોગ્ય રીતે મેપ કરવા માટેની કામગીરી ચાલુ હોવાનું નાયબ જિલ્લા ચૂંટણી અધિકારીએ જણાવ્યું હતું.

---------------

હિન્દુસ્થાન સમાચાર / ભરતસિંહ જાદવ