પોરબંદર, 10 ડિસેમ્બર (હિ.સ.) : પોરબંદર ગ્રામ્ય વિસ્તારમાં રોડ રસ્તાઓની હાલત બિસ્માર છે, ત્યારે આ રોડને રિસફેસિંગની જરૂરિયાત હોવાથી કુતિયાણા મત વિસ્તારના ધારાસભ્ય કાંધલ જાડેજાએ મુખ્યમંત્રી ભુપેન્દ્ર પટેલને લેખિત આવેદન પાઠવી યોગ્ય કાર્યવાહી કરવા રજુઆત કરી છે.
પોરબંદર જીલ્લાના કંડોરણા ઠોયાણા - નેરાણા રોડ અંદાજે 10 કી.મી. લંબાઈ છે આ રસ્તો રાણાવાવ તાલુકાનો અગત્યનો રસ્તો છે છેલ્લા ઘણા સમય થી રિસફેસિંગ થયેલ નથી અને હાલ ખુબ જ બિસ્માર હાલત મા છે અને રિસફેસિંગ જરૂરીયાત હોય તો કંડોરણા -ઠોયાણા - નેરાણા રોડ રિસફેસિંગની મંજુર કરી આપવા તેમજ પોરબંદર જીલ્લામાં આવતા ચીકાસા ગરેજ – મહિયારી- બાટવા રોડ ઘેડ વિસ્તારનો અગત્યનો રસ્તો છે આ રસ્તો ઘેડ વિસ્તારના ગામડાઓને અને જુનાગઢ જીલ્લાને જોડે છે આ રસ્તો અંદાજે અંદાજે 7 વર્ષ થી વધુ સમય થી બનેલ ન હોય તેમજ રસ્તાની લંબાઈ 32.50 કી.મી. છે ઘેડ વિસ્તારનો ટ્રાફીક વધુ હોય જેથી આ રસ્તાને 7.00 મીટર પહોળો કરવો પણ જરૂરી છે ચીકાસા - ગરેજ - મહિયારી- બાંટવા રોડ 7.00 મીટર પહોળો મંજુર કરી આપવા કુતિયાણા ધારાસભ્ય કાંધલ જાડેજાએ મુખ્યમંત્રીને લેખિત આવેદન પાઠવી રજુઆત કરી છે.
---------------
હિન્દુસ્થાન સમાચાર / Tejas Pravinbhai Dholariya
