પાટણ, 11 ડિસેમ્બર (હિ.સ.) : પાટણ જિલ્લાના સિદ્ધપુર SDPOની નાસતા-ફરતા આરોપીઓની સ્કોડે ચોક્કસ બાતમીના આધારે 23 વર્ષ જૂના ગુનામાં ફરાર બે આરોપીઓને મોરબીના હળવદ જી.આઈ.ડી.સી.ના પ્લોટ નંબર 7 પરથી ઝડપી પાડ્યા. બંનેએ લાંબા સમયથી પોતાનું નામ અને ઓળખ છુપાવી રાખી હતી.

ઝડપાયેલા આરોપીઓ મનુ રાવળ ઉર્ફે મુકેશ ઠાકોર અને સવીતા ઠાકોર ઉર્ફે મધુ ઠાકોર—બંને પાટણ જિલ્લાના સમોડા ગામના રહેવાસી—23 વર્ષથી ફરાર હતા અને હળવદ વિસ્તારમાં રહસ્યમય રીતે રહેતા હતા.

પોલીસ ટીમે બંનેને કસ્ટડીમાં લઈને જરૂરી કાર્યવાહી માટે પાટણ તાલુકા પોલીસ સ્ટેશનને સોંપ્યા છે.

હિન્દુસ્થાન સમાચાર / હાર્દિક રાઠોડ