પોરબંદર, 19 ડિસેમ્બર (હિ.સ.) : પોરબંદરના માઘવપુર ખાતે વૃધ્ધ પર લોખંડના પાઈપ વડે હુમલો કરવામા આવ્યો હતો. જેમા વૃધ્ધ ઈજાગ્રસ્ત બન્યા હતા. ભાઈની દિકરીનુ સમાધાન કરાવ્યું હોય અને આ અંગેની જાણ પોલીસને કરતા જમાઈએ હુમલો કર્યો હતો. માધવપુર ખાતે રહેતા અને માછીમારીનો વ્યવસાય કરતા અબ્દુલભાઈ હુશેનભાઈ પટેલીયાના નાના ભાઈની દિકરીને તેમના દ્રારકા ખાતે રહેતા પતિ સાથે ઝઘડો થતા તે અબ્દુલભાઇના ઘરે આવી ગઈ હતી. ત્યારબાદ ઘર મેળે સમાધાન કરવામા આવ્યુ હતુ અને આ અંગેની જાણ પોલીસને કરી હતી. જેના મનદુઃખને લઈ અશરફ જાફરભાઈ પટેલીયાએ અબ્દુલભાઇ સાથે બોલાચાલી કરી ભુંડી ગાળો આપી લોખંડના પાઇપ વડે હુમલો કરી ઈજા પહોંચાડી હતી. આ બનાવ અંગે માધવપુર પોલીસે વધુ તપાસ હાથ ધરી છે.

---------------

હિન્દુસ્થાન સમાચાર / Tejas Pravinbhai Dholariya