વલસાડ, 11 જૂન (હિ.સ.)- નવું શૈક્ષણિક વર્ષ શરૂ થતાની સાથે જ વલસાડ જિલ્લા શિક્ષણાધિકારી કચેરીએ પહેલા જ વર્ષના ચેકિંગના આધાર પર કડક રૂખ અપનાવ્યો છે. જિલ્લાના 16 શાળાઓમાં નોંધાયેલાં ગેરરીતિઓના આધારે શિક્ષણ વિભાગે તેમને નોટિસ પાઠવી છે.

તપાસ દરમિયાન નિયમોની અવગણના, શિક્ષકોને સમયસર પગાર ન ચૂકવવો અને વિદ્યાર્થીઓના સર્વાંગી વિકાસમાં વિક્ષેપ જેવી ગંભીર ખામીઓ સામે આવી હતી. ગ્રાન્ટેડ અને નોન-ગ્રાન્ટેડ શાળાઓમાં ખાસ કરીને વધુ ખામીઓ જોવા મળતાં આ પગલાં લેવામાં આવ્યા છે.

શાળાઓને તાત્કાલિક તબક્કે ખામીઓ દૂર કરીને નિયમોનું પાલન સુનિશ્ચિત કરવા સૂચના આપવામાં આવી છે. જિલ્લા શિક્ષણાધિકારી કચેરીએ સ્પષ્ટ જણાવ્યું છે કે જો સુધારા નહીં આવે તો કડક પગલાં લેવાશે. આગામી સમયમાં શાળાઓમાં ફરીથી ચકાસણી કરીને કામગીરીનું મૂલ્યાંકન કરાશે.

---------------

હિન્દુસ્થાન સમાચાર / યજુવેન્દ્ર દુબે