વડોદરા, 22 જૂન (હિ.સ.)- વડોદરા જિલ્લામાં આજે લગભગ અઢી વર્ષ પછી યોજાઈ રહેલી ગ્રામ પંચાયતોની સામાન્ય અને પેટા ચૂંટણીઓ માટે મતદારોમાં ખાસ્સો ઉત્સાહ જોવા મળ્યો છે. સવારે 11 વાગ્યા સુધીમાં કુલ 20% જેટલું મતદાન નોંધાયું હતું. જિલ્લાના આઠ તાલુકાઓ – વડોદરા ગ્રામ્ય, પાદરા, ડભોઈ, વાઘોડિયા, કરજણ, શિનોર, સાવલી અને ડેસર – મળી કુલ 208 પંચાયતો માટે ચૂંટણી યોજાઈ રહી છે, તેમજ 10 બેઠકો પર પેટાચૂંટણીઓ પણ થવાની છે.
પંચાયતો પાદરા તાલુકામાં છે, જ્યારે સૌથી ઓછી શિનોરમાં છે. સરપંચપદ માટે 584 અને સભ્યપદ માટે 2471 ઉમેદવારો વચ્ચે મુકાબલો છે. મતદાન સવારે 7 વાગ્યાથી શરૂ થઈ ગયું હતું અને સાંજે 6 વાગ્યા સુધી ચાલશે.
ધણીયાવી ગામે બેલેટ પેપર પર ઉમેદવારના નામમાં થયેલી ભૂલને કારણે હંગામો સર્જાયો હતો, જેના પગલે બે કલાક માટે મતદાન રોકવામાં આવ્યું હતું. કેટલાક બૂથો પર ઓળખપત્રને લઈને સામાન્ય અફરાતફરી જોવા મળી હતી, જોકે વહીવટી તંત્ર દ્વારા સ્થિતિને ઝડપી હલ કરવામાં આવી હતી.
---------------
હિન્દુસ્થાન સમાચાર / યજુવેન્દ્ર દુબે
