અંબાજી,04 જુન

(હિ. સ) આગામી

ગ્રામ પંચાયતની ચૂંટણીની પૂર્વ તૈયારીઓને લઈને બનાસકાંઠા જિલ્લા ચૂંટણી અધિકારી

અનેકલેક્ટર

મિહિર પટેલની અધ્યક્ષતામાં કલેકટર કચેરી પાલનપુર ખાતે બેઠક યોજાઈ હતી.

આ

બેઠકમાં જિલ્લા કલેકટર મિહિર પટેલએ સબંધિત અધિકારી ઓને જણાવ્યું હતું કે, ગ્રામ પંચાયતની ચૂંટણી ન્યાયસંગત, શાંતિપૂર્ણ અને પારદર્શક રીતે યોજાય એ

માટે પૂરતી તૈયારીઓ થવી જરૂરી છે. તેમણે ચૂંટણી દરમિયાન કાયદો અને વ્યવસ્થા જળવાઈ

રહે તે માટે તમામ વિભાગને જરૂરી આયોજન કરવા સૂચના આપી હતી.

આ સાથે જાહેરનામું

પ્રસિદ્ધ થવાની સાથે જ આચાર સંહિતાનો કડક અમલ કરવામાં આવે તે માટે તમામ નોડલ

અધિકારી અને પ્રાંત અધિકારીઓને, આચાર સંહિતાનું ચુસ્ત પાલન કરાવવા માટે સૂચના આપી

હતી. સમગ્ર ચૂંટણી પ્રક્રિયા દરમિયાન કામગીરીનું યોગ્ય સંકલન અને સુપરવિઝન માટે

જરૂરી સૂચનો કર્યા હતા. આ

બેઠકમાં નિવાસી અધિક કલેકટર સી.પી.પટેલ, નાયબ કલેક્ટરઓ, પોલીસ અધિકારીઓ, તાલુકા વિકાસ અધિકારી, મામલતદાર સહિત તમામ નોડલ અધિકારીઓ

ઉપસ્થિત રહ્યા હતા.

---------------

હિન્દુસ્થાન સમાચાર / મહેન્દ્રભાઈ લધુરામ અગ્રવાલ