અમરેલી 17 જુલાઈ (હિ.સ.) :અમરેલી જિલ્લામાં increasing સાયબર ગુનાઓ સામે લડવા અને યુવાવર્ગમાં જાગૃતિ ફેલાવવા અમરેલી જિલ્લા પોલીસ દ્વારા સાયબર સુરક્ષાની અનોખી પહેલ હાથ ધરવામાં આવી છે. જિલ્લા પોલીસ વડા એસ.પી. સંજય ખરાતની આગેવાનીમાં ગજેરા શૈક્ષણિક સંકુલ ખાતે વિદ્યાર્થીઓ માટે વિશેષ સાયબર ક્રાઇમ જાગૃતિ સેમિનારનું આયોજન કરવામાં આવ્યું હતું.

આ સેમિનારમાં વિદ્યાર્થીઓને આધુનિક સાયબર ફ્રોડના increasing કિસ્સા વિશે ચેતવણી આપી માર્ગદર્શન આપવામાં આવ્યું હતું. ખાસ કરીને ફેક વીડિયો કોલ, સોશિયલ મીડિયા હેકિંગ, ઓએલએક્સ અને ઇન્વેસ્ટમેન્ટ ફ્રોડ જેવા નવા પ્રકારના સાયબર ગુનાઓથી કેવી રીતે બચવું તે અંગે વિદ્યાર્થી મિત્રોને સચોટ માહિતી આપી હતી.

એસ.પી. સંજય ખરાત તથા સાયબર સેલની ટીમે લાઇવ ઉદાહરણો દ્વારા સમજાવ્યું કે શંકાસ્પદ લિંક, અજાણ્યા નંબરની કોલ અથવા મેસેજથી કઈ રીતે સાવચેત રહેવું જોઈએ. ઓનલાઈન લાલચ આપીને થતા નાણાંકીય છેતરપિંડીના કિસ્સાઓથી બચવા મહત્વપૂર્ણ સલાહો આપવામાં આવી હતી.

વિદ્યાર્થીઓ સાથે પ્રશ્નોત્તરી સત્ર યોજી તેમને પોતાનાં અનુભવ વહેંચવાની તક પણ આપવામાં આવી હતી. અમરેલી પોલીસના જણાવ્યા મુજબ આવનારા સમયમાં વધુ શાળાઓ અને કોલેજોમાં પણ આવા જાગૃતિ કાર્યક્રમો યોજવા માટે યોજના ઘડી છે, જેથી યુવાવર્ગ સાયબર સુરક્ષિત રહે.

---------------

હિન્દુસ્થાન સમાચાર / Gondaliya Abhishek