પોરબંદર, 17 જુલાઈ (હિ.સ.) : ડિપાર્ટમેન્ટ ઓફ પોસ્ટ્સ દ્વારા NEXT જનરેશન APT એપ્લિકેશનની લોન્ચ કરવાની ઘોષણા કરવામાં આવી છે, જે ડિજિટલ ઉત્તમતા અને રાષ્ટ્ર નિર્માણ તરફ આપણા પ્રવાસમાં એક મોટા કૂદકા સમાન છે. આ રૂપાંતરક પહેલના ભાગરૂપે અપગ્રેડેડ સિસ્ટમને 22/7/2025 ના રોજ પોરબંદર મંડળની તમામ પોસ્ટ ઓફિસોમાં લાગુ કરવામાં આવશે.

આ અદ્યતન ડિજિટલ પ્લેટફોર્મ પર સરળ અને સુરક્ષિત પરિવર્તન સુનિશ્ચિત કરવા માટે તારીખ 21/7/2025 ના રોજ એક આયોજીત ડાઉન ટાઈમ રાખવામાં આવ્યું છે. તારીખ 21/7/2025 ને સોમવારના રોજ પોસ્ટ ઓફિસોમાં કોઈપણ જાહેર વ્યવહાર કરવામાં આવશે નહીં. ડેટા સ્થળાંતર, સિસ્ટમ માન્યતા અને ગોઠવણી પ્રક્રિયાઓને સરળ બનાવવા માટે નવી સિસ્ટમ સરળતાથી અને કાર્યક્ષમ રીતે કાર્યરત થાય તે સનિશ્ચિત કરવા માટે સેવાઓનું આ કામચલાઉ બંધ રાખવું જરૂરી છે. APT એપ્લિકેશનએ વધુ સારો વપરાશકર્તા અનુભવ, ઝડપી સેવા પ્રદાન અને વધુ ગ્રાહકમૈત્રી ઇન્ટરફેસ પ્રદાન કરવા માટે ડિઝાઈન કરવામાં આવી છે, જે પોસ્ટના ડિજિટલ રીતે સક્ષમ, કાર્યક્ષમ અને ભવિષ્ય માટે તૈયાર પોસ્ટલ કામગીરી પ્રદાન કરવાની અનિવાર્ય પ્રતિબદ્ધતા દર્શાવે છે. પોરબંદર ટપાલ વિભાગ દ્વારા મુલ્યવાન ગ્રાહકોને વિનંતી કરવામાં આવી છે કે તેઓ પોસ્ટ ઓફીસમાં મુલાકાત માટે અગાઉથી યોજના બનાવે અને આ સંક્ષિપ્ત વિક્ષેપ દરમિયાન સહયોગ આપે. ટપાલ વિભાગ કોઈ પણ અસુવિધા માટે ખેદ વ્યક્ત કરે છે અને ખાતરી આપે છે કે આ પગલાં દરેક નાગરિકને શ્રેષ્ઠ, ઝડપી અને વધુ ડિજિટલ રીતે સક્ષમ સેવાઓ પ્રદાન કરવા માટે લેવામાં આવ્યા છે.

---------------

હિન્દુસ્થાન સમાચાર / Tejas pravinbhai dholariya