ભાવનગર 21 જુલાઈ (હિ.સ.) ભાવનગર એરપોર્ટ ખાતે યાત્રીઓ અને કર્મચારીઓ માટે વધુ સુવિધાજનક અને સ્વચ્છ વાતાવરણ સુનિશ્ચિત કરવા માટે ટર્મિનલ બિલ્ડિંગની વ્યાપક સફાઈ કામગીરી હાથ ધરવામાં આવી. આ કામગીરી અંતર્ગત ટર્મિનલના પ્રવેશદ્વાર, વિમાન પ્રસ્થાન અને આગમન વિસ્તારમાં સ્થિત બૈઠક ગહણો, ફલોર, ભીંતો તથા તમામ જનસુવિધાઓની વિસ્તૃત સફાઈ કરવામાં આવી. સાથે જ, રાહદારી વિસ્તારમાં આવેલા ટોઇલેટ બ્લોક, પીવાના પાણીના સ્ટેશન અને રાહદારી માટેની બૈઠક વ્યવસ્થાની પણ ખાસ કાળજી સાથે સફાઈ કરવામાં આવી હતી.

વિશેષરૂપે, એરપોર્ટના તમામ જનહિતના સ્પર્શ પોઈન્ટ્સ જેમ કે હેન્ડ રેસ્ટ, બેલ્ટ, ડ્રોપ ઓફ એરિયા, ચેક-ઇન કાઉન્ટર, સિક્યુરિટી ચેક એરિયા અને બેગેજ ક્લેમ એરિયામાં પણ નિયમિત રીતે સેનિટાઈઝેશન કરવામાં આવ્યું. આ કામગીરીમાં એરપોર્ટ ઓથોરિટી દ્વારા નિમાયેલ ક્લીનિંગ સ્ટાફે આધુનિક મશીનો અને ઉન્નત ક્લિનિંગ એજન્ટ્સનો ઉપયોગ કરીને કાર્ય સુપેરે પૂર્ણ કર્યું.

યાત્રીઓને સ્વચ્છ અને આરોગ્યપ્રદ વાતાવરણ ઉપલબ્ધ કરાવવું એ એરપોર્ટ વ્યવસ્થાપન માટે પ્રથમ પ્રાથમિકતા છે. ભવિષ્યમાં પણ આ પ્રકારની સફાઈ ઝુંબેશ નિયમિત સમયે હાથ ધરાશે, જેથી યાત્રિકો ભવ્ય અને આરામદાયક અનુભવ મેળવી શકે. એરપોર્ટ ઓથોરિટીએ યાત્રીઓ અને કર્મચારીઓની સહયોગી ભુમિકા માટે આભાર વ્યક્ત કર્યો હતો.

---------------

હિન્દુસ્થાન સમાચાર / Gondaliya Abhishek Nandrambhai