પોરબંદર, 24 જુલાઈ (હિ.સ.)પોરબંદર જિલ્લાના કુતિયાણા તાલુકાના ગોકરણ ગામ પાસે સારણ નદી પર ઓલ્ડસ્ટેટ (રાજાશાહી) વખતનો જુના ચણતર કામનો ચેકડેમ કમ કોઝવે આવેલ છે. જેના અમુક ગાળા નુકશાન પામ્યા છે આ પુલ પરથી પસાર થતાં વાહન વ્યવહારને અકસ્માત થવાની શકયતા હોવાથી આ બ્રીજ બનાવવાની કામગીરી પુર્ણ ન થાય ત્યાં સુધી પોરબંદર અધિક જિલ્લા મેજિસ્ટ્રેટ જે.બી.વદર દ્વારા ગોકરણ ગામ પાસે સારણ નદી પર ઓલ્ડસ્ટેટ (રાજાશાહી) વખતના ચેકડેમ કમ કોઝવે પરથી ભારે તેમજ મધ્યમ પ્રકારના વાહનોની અવર જવર કરવા પર પ્રતિબંધ અને વૈકલ્પિક રૂટ ઉપરથી વાહનોની અવર-જવર કરવા જાહેરનામું બહાર પાડવામાં આવ્યું છે.

ગુજરાત પોલીસ અધિનિયમ-1951 ની કલમ-33(1)(ખ) અન્વયે કુતિયાણા તાલુકાના ગોકરણ ગામ પાસે સારણ નદી પર આવેલ ઓલ્ડસ્ટેટ (રાજાશાહી) વખતનો જુના ચણતર કામનો ચેકડેમ કમ કોઝવેની રીપેરીંગની કામગીરી પુર્ણ ના થાય ત્યાં સુધી ભારે તેમજ મધ્યમ પ્રકારના વાહનોની અવર જવર કરવા પર પ્રતિબંધ કરવામાં આવ્યો છે

જેનો વૈકલ્પિક રૂટ પોરબંદર - રાજકોટ નેશનલ હાઇવે (NH-27) - ચૌટા ગામ - પંચાયત માર્ગ અને મકાન વિભાગ હસ્તકના ચૌટા - સિંધપુર રોડનો (કુલ અંદાજે કિ.મી.7) ઉપયોગ કરવાનો રહેશે. અને આ રૂટ પરથી ભારે તેમજ મધ્યમ પ્રકારના વાહનોએ અવર જવર કરવાના રહેશે.

વાહનચાલકે પોતાનું વાહન ગતિ મર્યાદામાં ચલાવવું અને અકસ્માતના બનાવો ન બને તેની ખાસ તકેદારી રાખવાની રહેશે તેમજ ભારે વાહન ચાલકે તેમના વાહનની સાઇઝથી વધારે અને ક્ષમતાથી વધારે માલ ન ભરવો, માલ ભરેલ વાહનમાં માલ ઉપર તાલપત્રી બાંધવી અને કોઇપણ વાહનચાલકે મ્યુઝિકલ હોર્નનો ઉપયોગ કરવો નહિ.સબંધિત વિભાગને ટ્રાફિક ડાયવર્ઝન અંગેના સાઇન બોર્ડ વાહનચાલકોને દિવસ તથા રાત્રીના સમયે સ્પષ્ટ દેખાય તે રીતે લગાવવાના અને ટ્રાફીક નિયમન કરવા પણ જણાવાયુ છે.આ જાહેરનામાનો ભંગ કરનાર વ્યકિત ગુજરાત પોલીસ અધિનિયમ-1951ની કલમ-131 હેઠળ સજાને પાત્ર ઠરશે.

---------------

હિન્દુસ્થાન સમાચાર / Tejas Pravinbhai Dholariya