સુરત, 25 જુલાઈ (હિ.સ.)-દેશભરના અગ્રણાં કપડા બજારના સંગઠનો સાથે ટ્રેડ ફેડરેશન ઓફ સુરત ટ્રેડ એન્ડ ટેક્સટાઇલ એસોસિયેશન (ફોસ્ટા) દ્વારા એક મહત્વપૂર્ણ બેઠક યોજવામાં આવી હતી. આ બેઠકમાં કોલકત્તાની સાડી ડીલર એસોસિયેશન, દ સાઉથ કોલકત્તા સાડી ડીલર એસોસિયેશન, બનારસી વસ્ત્ર ઉદ્યોગ એસોસિયેશન (વારાણસી) અને મસ્કતી ક્લોથ માર્કેટ મહાજન (અમદાવાદ)ના પદાધિકારીઓ ઉપસ્થિત રહ્યા હતા.

સાથે જ બેંગલોર હોળસેલ ક્લોથ મર્ચન્ટ એસોસિયેશન, જયપુર એસોસિયેશન, દિલ્હી એસોસિયેશન અને લુધિયાણા મંડીની જેમ અન્ય ઉત્પાદક મંડીઓના સંગઠનો સાથે ટેલિફોનિક સંવાદ કરવામાં આવ્યો હતો.

આ બેઠકનો મુખ્ય હેતુ દેશભરના કપડા ઉદ્યોગના સંગઠનોને એક જોડાણ આપવું, આપસી સહયોગ અને સંકલન વધારવો, મજબૂત રેફરન્સ સિસ્ટમ વિકસાવવી, રિસર્ચ એન્ડ ડેવલપમેન્ટ સેન્ટર અને લેબર સ્કિલ યુનિવર્સિટી માટે દિશા નિર્ધારણ કરવો તેમજ વ્યાપારિક લેવડદેવડના મુદ્દાઓમાં સંયુક્ત રીતે કાર્યવાહી કરવાની દિશામાં પગલાં લેવા અંગે રહેલો હતો.

વિશેષરૂપે વેપારિક વિકાસ, પારસ્પરિક વિશ્વાસ અને વેપારી હિતોની રક્ષા જેવા વિષયો પર ઊંડાણપૂર્વક ચર્ચા કરવામાં આવી.

બેઠક દરમ્યાન ફોસ્ટાના અધ્યક્ષ કૈલાશ હાકીમે જણાવ્યું કે, “મંડીઓ વચ્ચે સહયોગ અને સંકલન વ્યાપારિક સંબંધોને મજબૂત બનાવશે, વેપારી સમાજનો આત્મવિશ્વાસ વધશે અને કાપડ ઉદ્યોગમાં નોંધપાત્ર વૃદ્ધિ જોવા મળશે.”

આ બેઠકનો અંત વ્યાપારી હિત માટે સંયુક્ત પ્રયાસો કરવાની પ્રતિબદ્ધતા સાથે કરવામાં આવ્યો.

---------------

હિન્દુસ્થાન સમાચાર / યજુવેન્દ્ર દુબે