ગીર સોમનાથ 25 જુલાઈ (હિ.સ.) જિલ્લાકક્ષાએ મણીબહેન કોટક હાઈસ્કૂલ, વેરાવળ ખાતે જિલ્લા શિક્ષણાધિકારી એમ.પી.બોરીચા સહિત શિક્ષણવિદ્દોના વરદહસ્તે ૨૨ શિક્ષણ સહાયકોને નિમણૂક હુકમો એનાયત કરવામાં આવ્યા હતાં.

રાજ્ય સરકાર દ્વારા કેન્દ્રીયકૃત ભરતીમાં પસંદગી પામેલા ગીર સોમનાથ જિલ્લાની સરકારી માધ્યમિક અને ઉચ્ચતર માધ્યમિક શાળાઓમાં માધ્યમિક વિભાગના ફાળવણી કરેલા ૨૨ શિક્ષણ સહાયકોને નિમણૂક હુકમો આપી આવકારવામાં આવ્યાં હતાં.

આ કાર્યક્રમમાં જિલ્લા શિક્ષણાધિકારી કચેરીના શિક્ષણ નિરીક્ષકો, મદદનીશ શિક્ષણ નિરીક્ષકો, હેડ ક્લાર્ક અને વહીવટી સ્ટાફ ઉપસ્થિત રહ્યો હતો.

---------------

હિન્દુસ્થાન સમાચાર / ભરતસિંહ જાદવ