અમરેલી 25 જુલાઈ (હિ.સ.) બગસરા શ્રી બગસરા જૂથ વિવિધ કાર્યકારી સહકારી મંડળી લી.ની ૭૧મી વાર્ષિક સાધારણ સભા યોજાઈ

બગસરા ખાતે શ્રી બગસરા જૂથ વિવિધ કાર્યકારી સહકારી મંડળી લિમિટેડની ૭૧મી વાર્ષિક સાધારણ સભાનું ભવ્ય આયોજન કરવામાં આવ્યું હતું. મંડળીના આ ઇતિહાસિક અને લોકહિતાય સભા દરમિયાન ખેડૂત સભાસદોના પ્રશ્નો, મંડળીની આવક-જાવક, નફો-તોટા, વિવિધ યોજનાઓ અને સહકારી પ્રગતિ અંગે વિશદ ચર્ચા કરવામાં આવી હતી.

આ અવસરે વિશિષ્ટ મહેમાન તરીકે અમરેલી જિલ્લા સહકારી ખરીદ વેચાણ સંઘના અધ્યક્ષ જયંતીભાઈ પાનસુરીયા ઉપસ્થિત રહ્યા હતા. તેમ જ શ્રી બગસરા જૂથ વિવિધ કાર્યકારી સહકારી મંડળી લિ.ના અધ્યક્ષ વિઠ્ઠલભાઈ હિરાણી તથા અમરેલી જિલ્લા સહકારી સંઘના ડાયરેક્ટર શ્રી હરેશભાઈ પટોળીયા એ પણ ઉપસ્થિતિ નોંધાવી હતી.

મંડળીના સભાસદોએ એકજૂટ બની સહકારી વ્યવસ્થાઓને વધુ મજબૂત બનાવવાનો સંકલ્પ કર્યો હતો. વાર્ષિક અહેવાલ રજૂ કર્યા બાદ સભ્યો દ્વારા હકારાત્મક પ્રતિસાદ મળ્યો હતો. કાર્યક્રમમાં મંડળીની વ્યવસ્થા કમિટીના સભ્યો, સહકારી અગ્રણીઓ તથા મોટી સંખ્યામાં સભાસદોની ઉપસ્થિતિ રહી હતી.

આ સંમેલન દ્વારા સહકારની ભાવના ફરી એકવાર સજીવ બની હતી તથા ક્ષેત્રના ખેડૂત સભાસદોને નવી ઊર્જા મળતી અનુભવી હતી.

---------------

હિન્દુસ્થાન સમાચાર / Gondaliya Abhishek Nandrambhai