ગીર સોમનાથ, 26 જુલાઈ (હિ.સ.) સુત્રાપાડા તાલુકાના મોરડીયા અને સોળાજ ગામને જોડતો સ્ટેટ હાઈવે છેલ્લા ઘણા વર્ષોથી અતિ બિસ્માર હાલતમાં છે. આશરે 12થી 15 ગામોને જોડતો આ મુખ્ય માર્ગ ખાડાઓના કારણે આજકાલ જોખમભર્યો બની ગયો છે. રસ્તામાં મોટા ખાડા પડવાને કારણે વાહનચાલકોને તકલીફનો સામનો કરવો પડી રહ્યો છે અને વરસાદી સમયે તો રસ્તો અજગર જેવો બની જાય છે.

સ્થાનિક રહીશ પરબતભાઈ વાળાએ જણાવ્યું કે, “આ રસ્તો છેલ્લા ઘણા વર્ષો પહેલા બન્યો હતો. ત્યાર બાદ આજે 2025 આવી ગઈ, પણ અત્યાર સુધી એક પણ વખત યોગ્ય રીતે neither સમારકામ nor નવીનિકરણ થયું નથી. ગ્રામજનો વારંવાર તંત્રને રજૂઆત કરે છે, છતાં કોઈ પગલાં લેવામાં આવતા નથી.”

રસ્તાની દયનીય હાલતને લીધે જાનહાનીના બનાવો પણ ઘટી રહ્યા છે. વાહન ચાલકો, વિદ્યાર્થીઓ, દર્દીઓ અને અન્ય રાહદારીઓ માટે આ માર્ગે મુસાફરી કરવી દુષ્કર બની ગઈ છે. ખાસ કરીને પુલિયા અને નાળાઓ તો અતિ જર્જરિત હાલતમાં છે, જેને લીધે એ પણ ક્યારે ધસી પડે તેની ભીતિ લોકોમાં છે.

હવે ગ્રામજનો દ્વારા તાત્કાલિક રસ્તાની મરામત અને નવીનિકરણ કરવા માટે તંત્ર સમક્ષ ઉગ્ર માંગ કરવામાં આવી રહી છે. “અમે તો માંગણી કરતા થાકી ગયા છીએ, હવે આ અવગણનાને લીધે માર્ગ અવરોધ કરતા આંદોલન કરવા પણ તૈયાર છીએ,” તેમ સ્થાનિકોએ ચીમકીભર્યા શબ્દોમાં જણાવ્યું.

ગ્રામજનોની સ્પષ્ટ માંગ છે કે તાત્કાલિક માર્ગ રીપેર કરવામાં આવે અને ટૂંકા ગાળામાં નવા રસ્તાનું કામ શરૂ થાય.

---------------

હિન્દુસ્થાન સમાચાર / ભરતસિંહ જાદવ