સુરત, 27 જુલાઈ (હિ.સ.)- પત્નીના વિયોગમાં મંડાતી માનસિક સ્થિતિએ વધુ બે પતિઓને જીવ ટૂંકાવવા મજબૂર કર્યા હોવાના દુઃખદ બનાવો સામે આવ્યા છે. પાંડેસરા અને ખટોદરા વિસ્તારમાં ગત શુક્રવારે બે જુદી ઘટનાઓમાં 50 વર્ષના રાજુભાઇ રાજપુત અને 71 વર્ષના જયપ્રકાશભાઇ વાઇવાલાએ ફાંસો ખાઈ આપઘાત કર્યો હતો.

પાંડેસરાના શ્રીરામનગરમાં રહેતા રાજુભાઇ છેલ્લા દાયકા થી પત્ની ગુમાવ્યાના દુઃખ સાથે ઝૂઝતા હતા. દૈનિક છુટક મજૂરી કરીને ગુજરાન ચલાવતા રાજુભાઇ ત્રણ પુત્રીઓના પિતા હતા. સમયાંતરે તેમણે જીવનનો અંત લાવવાની ભાવનાઓ વ્યક્ત કરી હતી, અને શુક્રવારે સાંજે ઘરમાં પંખા સાથે દોરી બાંધી અંતિમ પગલું ભર્યું.

અત્યારસુધી શાંતિભર્યું નિવૃત્ત જીવન જીવી રહેલા જયપ્રકાશભાઇ પણ પત્નીના મૃત્યુ પછી તણાવમાં જીવી રહ્યા હતા. ખટોદરાની નારાયણનગર સોસાયટીમાં રહેતા જયપ્રકાશભાઇએ શુક્રવારે રાત્રે ચાદર વડે ગળે ફાંસો ખાઈ આત્મહત્યા કરી હતી. તેમનો એક પુત્ર છે, જે જરી કારખાનું સંભાળે છે.

---------------

હિન્દુસ્થાન સમાચાર / યજુવેન્દ્ર દુબે