શ્રીનગર, નવી દિલ્હી, 01 ઓગસ્ટ (હિ.સ.) ગુરુવારે મોડી સાંજે શ્રીનગરમાં 60મી બટાલિયન મુખ્યાલયમાંથી એક સીમા સુરક્ષા દળ (બીએસએફ) સૈનિક ગુમ થયો છે. તેને શોધવા માટે વ્યાપક શોધ અભિયાન શરૂ કરવામાં આવ્યું છે. અધિકારીઓએ જણાવ્યું હતું કે, બીએસએફની 60મી બટાલિયનનો આ સૈનિક પંથાચોકમાં તૈનાત હતો. આસપાસના વિસ્તારોમાં વ્યાપક પ્રયાસો છતાં, તે શોધી શકાયો નથી. આ પછી, ગુમ થયાની જાણ નોંધવામાં આવી છે અને વધુ તપાસ ચાલુ છે. સૈનિકના ગુમ થવા પાછળનું કારણ શું છે, તે હજુ સુધી જાણી શકાયું નથી.

ઉત્તર પ્રદેશના બુલંદશહર જિલ્લાના કોતવાલી દેહાતના, શીખેરા ગામના વતની સુગમ ચૌધરી સ્વર્ગસ્થ દેવેન્દ્ર કુમારના પુત્ર છે. પ્રારંભિક આંતરિક અહેવાલો અનુસાર, તેનો રંગ ગોરો છે, વાળ કાળા છે અને ઊંચાઈ 174.5 સેમી છે. ગુમ થયા પહેલા, તેણે કોઈપણ પ્રકારની મુશ્કેલી અથવા અસામાન્ય વર્તનનો સંકેત આપ્યો ન હતા. અધિકારીઓએ પુષ્ટિ આપી છે કે, તમામ માનક પ્રોટોકોલનું પાલન કરવામાં આવી રહ્યું છે અને તેમના પરિવારને પરિસ્થિતિની જાણ કરવામાં આવી છે.

હિન્દુસ્થાન સમાચાર / બલવાન સિંહ / સુનિત નિગમ

હિન્દુસ્થાન સમાચાર / ડો.હિતેશ એન.વ્યાસ