પાટણ, 12 ઓગસ્ટ (હિ.સ.): પાટણ શહેરમાં એન્ટી કરપ્શન બ્યુરો (ACB)એ હોમગાર્ડ યુનિટના કર્મચારી રાજેશકુમાર કાંતિલાલ વૈષ્ણવને ₹2,000ની લાંચ લેતા રંગેહાથ ઝડપ્યો. ફરિયાદ મુજબ, ફરિયાદીના ₹12,000ના પગાર બિલ મંજૂર કરવા માટે આરોપીએ લાંચની માંગણી કરી હતી.

11 ઓગસ્ટ 2025ના રોજ ACBની ટીમે પાટણ શહેર હોમગાર્ડ યુનિટની કચેરી ખાતે છટકું ગોઠવી આરોપીને ફરિયાદી પાસેથી લાંચ લેતા પકડી પાડ્યો. પોલીસ ઇન્સ્પેક્ટર એમ.જે. ચૌધરીની આગેવાનીમાં કાર્યવાહી થઈ હતી અને મદદનીશ નિયામક કે.એચ. ગોહિલે ઓપરેશનનું સુપરવિઝન કર્યું હતું.

ACBએ આરોપી પાસેથી લાંચની રકમ જપ્ત કરી તેને અટકાયત કરી છે. હાલમાં વધુ તપાસ શરૂ કરવામાં આવી છે.

હિન્દુસ્થાન સમાચાર / પરમાર હાર્દિકકુમાર