ગીર સોમનાથ, 28 ઓગસ્ટ (હિ.સ.) આજરોજ ઉના શહેરમાં આવેલ વોર્ડ નં.1માં આવતા ખોડિયાર નગર વિસ્તારના 70 વર્ષની ઉપરના વડીલો તથા સરકાર NFSA વય વંદના કાર્ડ રજીસ્ટ્રેશન તથા વિતરણ નો એક કેમ્પ ખોડિયાર નગરમાં આવેલ કોળી જ્ઞાતિના ચોરામાં યોજાયો હતો. ઉનાના કાર્યશીલ ધારાસભ્ય કાળુ રાઠોડ દ્વારા થયેલ આ પ્રસંશનીય કામગીરીમાં આ વિસ્તારના 40થી વધુ કાર્ડનું રજીસ્ટ્રેશન કરવામાં આવ્યું હતું. આ કેમ્પમાં ઉનાના માનનીય ધારાસભ્ય ધારાસભ્ય કાળુભાઈ ઉના નગરપાલિકાના કારોબારી ચેરમેન ધીરુભાઈ છગ, નગરપાલિકાના સદસ્ય રામજીભાઈ વાજા, શહેર ભાજપ મહામંત્રી કાંતિભાઈ છગ, કિરીટભાઈ વાજા, ખોડિયાર નગર વિસ્તારના યુવા આગેવાન ભાવેશભાઈ વાજા તેમજ આરોગ્ય વિભાગનો સ્ટાફ, અર્બન હેલ્થ સેન્ટરનો સ્ટાફ વગેરે ઉપસ્થિત રહ્યા હતા.

---------------

હિન્દુસ્થાન સમાચાર / ભરતસિંહ જાદવ