ગીર સોમનાથ 29 ઓગસ્ટ (હિ.સ.)

નિલેશ જાજડીયા પોલીસ મહાનિરીક્ષક, જુનાગઢ વિભાગનાઓ તથા જયદીપસિંહ જાડેજા પોલીસ અધિક્ષક, ગીરસોમનાથનાઓ તરફથી જુદા જુદા સોશ્યલ મિડીયા ફેસબુક, ઇન્સ્ટાગ્રામ, વોટસએપ વિગેરે ઉપર ગુનેગારો તથા અન્ય વ્યક્તિઓ હથીયાર સાથેના ફોટાઓ પાડી સામાન્ય નાગરીકોમાં ભય અને દહેશત ફેલાવી ભયનું વાતાવરણ ઉભુ કરતા ઇસમો ઉપર વોચ રાખી કાયદેસર કાર્યવાહી કરવાં કરેલ સુચના મુજબ, એન.એ.વાઘેલા, ઇન્ચાર્જ પોલીસ ઇન્સ્પેકટર, એસ.ઓ.જી. ગીરસોમનાથના માર્ગદર્શન અનુસાર એસ.ઓ.જી. સ્ટાફના વિપુલભાઇ ટીટીયા, ગોપાલભાઇ મકવાણા પો.હેડ કોન્સ. તથા કૈલાશસિંહ બારડ તથા મહાવિરસિંહ જાડેજા પો.કોન્સ. એ રીતેના પોલીસ સ્ટાફ સાથે કામગીરી સબબ સુત્રાપાડા પોલીસ સ્ટેશન વિસ્તારમાં પેટ્રોલીંગમાં હતા, દરમ્યાન નીચે જણાવેલ વિગત મુજબના ઇસમએ હથિયાર સાથે સોશ્યલ મિડીયામાં વિડીયો/ફોટો અપલોડ કરેલ હોય જેને હથીયાર તલવાર સાથે પકડીપાડી આરોપી વિરૂધ્ધ સુત્રાપાડા પોલીસ સ્ટેશનમાં જી.પી.એ.૧૩૫ મુજબ ગુન્હો રજી. કરાવેલ.

K આરોપીનું નામઃ-

જયેશભાઇ બાલુભાઇ કામળીયા, ઉવ.૨૫, રહે, ધામળેજ ગામ તા.સુત્રાપાડા

X પકડેલ હથિયાર:-

ધાતુના હાથાવાળી સ્ટીલની તલવાર -૧ કી.રૂ.૨૦૦/-

---------------

હિન્દુસ્થાન સમાચાર / ભરતસિંહ જાદવ