અમરેલી , 29 ઓગસ્ટ (હિ.સ.) અમરેલી જિલ્લાના સાવરકુંડલા તાલુકાના મઢડા ગામે બનેલા ખૂનના ગુનામાં અમરેલી એલ.સી.બી.એ મહત્વપૂર્ણ સફળતા મેળવી છે. લાંબા સમયથી અનડીટેક્ટ રહેલા આ ગુનાનો ભેદ ઉકેલતા પોલીસે આરોપીને પકડી પાડ્યો છે.

માહિતી મુજબ, મઢડા ગામમાં કેટલીક દિવસો પહેલાં એક વ્યક્તિની હત્યાની ઘટના બની હતી. શરૂઆતમાં આ કેસમાં સ્પષ્ટ પુરાવા ન મળતા તપાસ મુશ્કેલ બની હતી. પરંતુ અમરેલી એલ.સી.બી.ની ટીમે ગુપ્ત માહિતીના આધારે તપાસ આગળ ધપાવી અને તકેદારીપૂર્વક પુરાવા એકત્ર કરીને અંતે આરોપી સુધી પહોંચી તેને કાયદાની ઝપટે લાવ્યો.

આ કાર્યવાહીથી સ્થાનિકોમાં રાહતનો માહોલ જોવા મળ્યો છે. પોલીસની ચુસ્ત તપાસ અને ઝડપી પગલાંને કારણે લાંબા સમયથી અટવાયેલ આ ગુનાનો ઉકેલ આવી શક્યો છે. અધિકારીઓએ જણાવ્યું કે કાયદાથી મોટો કોઈ નથી, અને ગુનાહિત પ્રવૃત્તિ કરનારાને કાનૂની સજા અવશ્ય મળશે.

અમરેલી એલ.સી.બી.ની આ સફળતા પોલીસ તંત્ર માટે એક મહત્વપૂર્ણ ઉપલબ્ધિ સાબિત થઈ છે અને ભવિષ્યમાં ગુનાખોરી સામે વધુ કડક કાર્યવાહી થવાની સ્પષ્ટતા પણ થઈ છે.

---------------

હિન્દુસ્થાન સમાચાર / Gondaliya Abhishek Nandrambhai