વડોદરા, 3 ઓગસ્ટ (હિ.સ.)-વડોદરા રેલવે સ્ટેશન પર યાત્રીઓ માટે નવી સુવિધાઓનું ઉદઘાટન કરવામાં આવ્યું છે. સાંસદ ડૉ.હેમાંગ જોષી દ્વારા 'સારથી' નામની મફત બેટરી સંચાલિત કાર્ટ સેવા શરૂ કરી હતી, જેનાં માધ્યમથી વરિષ્ઠ નાગરિકો, દિવ્યાંગ, ગર્ભવતી મહિલાઓ અને બીમાર મુસાફરોને ચોવીસ કલાક મફત સહાય આપવામાં આવશે.

આથી, યાત્રીઓની વધુ સુવિધા માટે મહિલા વેઇટિંગ રૂમ અને એસી વેઇટિંગ રૂમમાં બાળ સંભાળ કક્ષનું સૌંદર્યકરણ પણ કરવામાં આવ્યું છે. આ પહેલ ચિલ્ડ્રન્સ હોસ્પિટલ - વડોદરા દ્વારા સી.એસ.આર. હેઠળ હાથ ધરવામાં આવી છે.

સહયોગી પ્રોજેક્ટ તરીકે, આ સેવાઓ ફાર્માસન અને રેલવે વચ્ચેના સાંસ્થા સહયોગના ભાગરૂપે શરૂ કરવામાં આવી છે. પ્રસંગે વડોદરા રેલ મંડળના ડીઆરએમ રાજુ ભડકે, વરિષ્ઠ મંડળ વાણિજ્ય પ્રબંધક નરેન્દ્ર કુમાર અને અન્ય રેલ અધિકારીઓ ઉપસ્થિત રહ્યા હતા.

---------------

હિન્દુસ્થાન સમાચાર / યજુવેન્દ્ર દુબે