પોરબંદર, 1 સપ્ટેમ્બર (હિ.સ.): પોરબંદર જિલ્લામાં સરસ્વતી કન્યા વિદ્યાલય કુતિયાણા ખાતે રાષ્ટ્રીય રમત ગમત દિવસની ઉજવણી ભારે ઉત્સાહ સાથે કરવામાં આવી હતી અને અધિકારીઓ- પદાધિકારીઓ અને નગરજનોએ પરંપરાગત રમતો રમીને ભુલાયેલી રમતોને જીવંત રાખવાનો પ્રયાસ કરાયો હતો.

રાષ્ટ્રીય રમત ગમત દિવસની ઉજવણી અન્વયે રસ્સાખેચ, ચક્ર ફેક, ગોળા ફેક, કોથળા દોડ, લીંબુ ચમચી, સંગીત ખુરશી, લંગડી, લખોટી, ચેસ, ખો- ખો, ગીલી દંડા વિગેરે જેવી પરંપરાગત રમતો ઉત્સાહભેર રમી હતી.ઉલ્લેખનીય છે કે આંતરરાષ્ટ્રીય રમતગમત દિવસની ઉજવણી અંતગર્ત પંરપરાગત રમતો રમવા માટે 500 જેટલા નાગરિકો જોડાયા હતાં.

---------------

હિન્દુસ્થાન સમાચાર / Tejas Pravinbhai Dholariya