અમરેલી,13 સપ્ટેમ્બર (હિ.સ.): અમરેલી જિલ્લામાં મિલકત સંબંધી ગુનાઓ આચરતા એક આરોપી સામે કડક કાનૂની પગલાં લેવામાં આવ્યા છે. અમરેલી જિલ્લા મેજિસ્ટ્રેટશ્રી તથા પોલીસ અધિક્ષકશ્રીઓના માર્ગદર્શન હેઠળ એલ.સી.બી. (લોકલ ક્રાઇમ બ્રાંચ)એ આ કાર્યવાહી હાથ ધરી હતી.

જિલ્લામાં શાંતિ અને કાયદો-વ્યવસ્થા જળવાઈ રહે તે માટે પોલીસ તંત્ર સતત સતર્ક છે. તાજેતરમાં મિલકત ગુનાઓમાં સંકળાયેલા આરોપી સામે પુરાવા એકત્રિત કરી, ‘પાસા’ (Prevention of Anti-Social Activities Act) હેઠળ કાર્યવાહી કરવામાં આવી. આ પગલાં અંતર્ગત આરોપીને મધ્યસ્થ જેલ, અમદાવાદ ખાતે ધકેલવામાં આવ્યો છે.

પોલીસના જણાવ્યા મુજબ, આરોપી વારંવાર મિલકત સંબંધી ગુનાઓ કરતો હોવાથી સમાજમાં અસુરક્ષા ફેલાતી હતી. સ્થાનિક નાગરિકોમાં ભયનું વાતાવરણ ઊભું ન થાય અને ભવિષ્યમાં ગુનાઓ અટકે, તે માટે કાનૂની જોગવાઈઓનો ઉપયોગ કરીને આ કડક પગલું ભરવામાં આવ્યું છે.

અમરેલી એલ.સી.બી.ની આ કાર્યવાહીથી ગુનાહિત તત્વોને સ્પષ્ટ સંદેશો ગયો છે કે કાયદો વિરુદ્ધ પ્રવૃત્તિઓને કોઈ પણ કિંમતે સહન કરવામાં નહીં આવે. સાથે જ, નાગરિકોમાં પોલીસ પ્રત્યે વિશ્વાસ વધુ મજબૂત બન્યો છે.

---------------

હિન્દુસ્થાન સમાચાર / Gondaliya Abhishek Nandrambhai