પોરબંદર, 14 સપ્ટેમ્બર (હિ.સ.)પોરબંદર જીલ્લામાં યોગ્ય રોજગારી અને યોગ્ય માનવબળ પુરું પાડવાના ભગીરથ પ્રયાસ અન્વયે આગામી તારીખ 09/10/2025ના રોજગાર કચેરી, પોરબંદર દ્વારા માનવબળ પૂરું પાડવા ના ઉદ્દેશ્યથી મેગા જોબફેરનું આયોજન કરવામાં આવ્યું છે.

જેમાં પોરબંદર જીલ્લાના કામ કરતાં તમામ નોકરીદાતાઓ તેમજ સંસ્થાઓ સહભાગી થાય અને સ્થાનિક ક્ષેત્રે કારકિર્દી બનાવવા ઇચ્છુક રોજગાર વાંચ્છુઓને યોગ્ય રોજગારી મળી રહે એ ઉદ્દેશ્યથી મેગા જોબફેરમાં પોરબંદર જિલ્લાના વધુમાં વધુ નોકરીદાતાઓ સહભાગી થાઈ તે હેતુથી મેગા જોબફેરનું આયોજન હાથ ધરાયું છે. નોકરીદાતાઓને રજીસ્ટ્રેશન કરવા માટે જિલ્લા રોજગાર કચેરીના ઇ–મેઈલ આઈ.ડી dee-por@gujarat.gov.in પર સંપર્ક કરવો તેમજ વધુ વિગત માટે કચેરીના સંપર્ક નંબર 0286-2222041 પર કોલ કરીને જાણકારી મેળવી શકશે અને નોકરીદાતાઓને રજીસ્ટ્રેશન કરવા માટે કોઈ પણ પ્રકારનો ચાર્જ લેવામાં આવતો નથી તેમજ રોજગાર કચેરીની બધી સેવાઓ વિના મુલ્યે છે.

---------------

હિન્દુસ્થાન સમાચાર / Tejas Pravinbhai Dholariya