પોરબંદર, 23 સપ્ટેમ્બર (હિ.સ.)પોરબંદરના દરિયામા માલવાહક જાહજમા આગ લાગી હતી જેને પગલે સોમવારે મોડી સાંજે ચોપાટી ખાલી કરવામા આવી હતી કારણ કે જહાજમા ડિઝલ અને એલપીજી સિલિન્ડર હોવાથી તકેદારીના ભાગરૂપે આ કામગીરી કરવામા આવી હતી જહાજમા રહેલો ખાંડ અને ચોખાનો જથ્થો બળીને ખાખ થઈ જતા અંદાજે પાંચ કરોડનુ નુકશાન થયુ છે.

જામનગરનુ પીડીઆઇ 1383 હરિદર્શન નામનુ જહાજ 950 ટન ચોખા અને 78 ટન ખાંડ ભરી અને પોરબંદરના ઓલવેધર પોર્ટ અન્ય માલ ભરવા માટે આવ્યુ હતુ તે દરમ્યાન આજે સવારના સમયે જહાજમા એકાએક આગ લાગી હતી તેમના 14 ક્રુ મેમ્બરને બચાવી લેવામા આવ્યા હતા બપોર બાદ પણ જહાજમા આગ યથાવત જોવા મળી હતી અને તેમા 5000 લીટર ડિઝલનો જથ્થો અને એલપીજી ગેસ સિલિન્ડર હોવાના કારણે બ્લાસ્ટ થવાની ભીતી ઉભી થઇ હતી જેને પગલે તકેદારીના ભાગરરૂપે સાંજના સમયે ચોપાટી ખાલી કરવામા આવી હતી તો બીજી તરફ આ ઘટના ને પગલે એસપી ભગીરથસિંહ જાડેજા અને જીએમબીન અધિકારીઓ પણ ચોપાટી ખાતે દોડી ગયા હતા તો ચોપાટી ખાલી કરવ્યા બાદ જહાજમા રહેલા સિલન્ડર બ્લોસ્ટ થતા ફરી આગ લાગી હતી આગાને કાબુમા કરવા માટે જીએમબી, કોસ્ટગાર્ડ દ્રારા પ્રયાસો કરવામા આવી રહ્યા છે. સિલન્ડર બ્લાસ્ટ થયા બાદ આગ વધુ વિકારાળ બની હતી જહાજના કેપ્ટન તસ્લીમ કાસમભાઈ સંઘારે હાર્બર મરીનમા એવુ જાહેર કર્યુ છે કે જહાજમાં આગ લાગવાના કારણે 2 કરોડની કિંમતના વહાણ તેમજ રૂ.2 કરોડ, 22 લાખનો ચોખાનો જથ્થો ઉપરાંત રૂ.34 લાખ,12 હજારનો ખાંડનો જથ્થો મળી કુલ રૂ.પાંચ કરોડ છવ્વીસ લાખ બાર હજારનુ નુકશાન થયુ છે.

---------------

હિન્દુસ્થાન સમાચાર / Tejas Pravinbhai Dholariya