ગીર સોમનાથ, 23 સપ્ટેમ્બર (હિ.સ.)

ગીર સોમનાથ સમગ્ર રાજ્યની સાથે જ ગીર સોમનાથ જિલ્લામાં તા.૧૭ સપ્ટેમ્બર થી શરૂ થયેલું ‘સ્વચ્છતા હી સેવા’ અભિયાન વેગવંતુ બની રહ્યું છે. જિલ્લામાં વાસ્મો વિભાગ દ્વારા ઝુંબેશ સ્વરૂપે જુદા જુદા સ્થળોએ સાફ-સફાઈની કામગીરી કરવામાં આવી રહી છે.

વાસ્મો-ગીર સોમનાથ દ્વારા જિલ્લાના વિવિધ તાલુકાઓમાં ઊંચી ટાંકી તથા ગ્રામ્ય વિસ્તારમાં સફાઈ તેમજ ક્લોરીનેશનની કામગીરી હાથ ધરવામાં આવી હતી.વિવિધ તાલુકાઓમાં કર્મચારીઓ દ્વારા ગ્રામ્યસ્તરે જુદી-જુદી પ્રવૃત્તિઓ થકી પીવાના પાણીના ઘટકોની આજુબાજુ સાફસફાઈ, કલોરીનેશનની કામગીરી, સ્કૂલ અને આંગણવાડીમાં વોટર ક્વોલિટીની કામગીરી, અને ગ્રામ્ય વિસ્તારમાં દવાના છંટકાવની કામગીરી કરવામાં આવી રહી છે.

---------------

હિન્દુસ્થાન સમાચાર / ભરતસિંહ જાદવ