ભાવનગર, 3 સપ્ટેમ્બર (હિ.સ.) ભાવનગર-સાબરમતી સુપરફાસ્ટ ઇન્ટરસિટી ટ્રેનમાં 4 વધારાના જનરલ કોચની સુવિધા, પશ્ચિમ રેલવે દ્વારા મુસાફરોની વધતી માંગ અને તેમની સુવિધાને ધ્યાનમાં રાખીને ભાવનગર મંડળની ભાવનગર-સાબરમતી દૈનિક સુપરફાસ્ટ ઇન્ટરસિટી ટ્રેનમાં તાત્કાલિક રૂપે વધારાના કોચની સુવિધા આપવામાં આવી રહી છે.

ભાવનગર મંડળના વરિષ્ઠ મંડળ વાણિજ્ય પ્રબંધક અતુલ કુમાર ત્રિપાઠીએ જણાવ્યું કે, મુસાફરોની સુવિધા માટે નીચે મુજબ તાત્કાલિક વ્યવસ્થા કરવામાં આવી છે.–

• ટ્રેન નંબર 20966/20965 ભાવનગર-સાબરમતી-ભાવનગર દૈનિક સુપરફાસ્ટ ઇન્ટરસિટી ટ્રેનમાં 04 (ચાર) જનરલ શ્રેણીના વધારાના કોચ જોડવામાં આવશે.

• આ સુવિધા 04 સપ્ટેમ્બર, 2025 થી 03 ઑક્ટોબર, 2025 સુધી ઉપલબ્ધ રહેશે.

આ નિર્ણયથી મુસાફરોને વધારાની બેઠકો તેમજ મુસાફરીની સુવિધા મળશે અને ભીડભાડમાંથી પણ રાહત મળશે.

---------------

હિન્દુસ્થાન સમાચાર / ભરતસિંહ જાદવ