પાટણ, 19 જાન્યુઆરી (હિ.સ.) : પાટણ તાલુકાના બાલીસણા યુવક મંડળ દ્વારા પક્ષીઓને પતંગની દોરીથી બચાવવા અનોખું અભિયાન ચલાવવામાં આવ્યું. આ કાર્યક્રમમાં એક કિલો પતંગની દોરી બદલ એક કિલો ગોળ આપવામાં આવતું હતું.

ઉત્તરાયણ બાદ ગામમાં વૃક્ષો, ધાબા અને અન્ય સ્થળોએ પડેલી પતંગની દોરીઓ એકઠી કરવામાં આવી. આ અભિયાન દરમિયાન કુલ 35 કિલો દોરી એકત્ર થઈ.

એકઠી કરાયેલી દોરી બદલ 35 કિલો ગોળ વિતરણ કરવામાં આવ્યું અને પછી આ દોરીનું નાશ કરીને તેને સુરક્ષિત રીતે દૂર કરવામાં આવ્યું.

હિન્દુસ્થાન સમાચાર / હાર્દિક રાઠોડ