ગીર સોમનાથ 20 જાન્યુઆરી (હિ.સ.)

ગીર સોમનાથ જિલ્લામાં સ્ટેટ ઈમ્યૂનાઇઝેશન ઓફિસર ડૉ. કમલેશ પરમારના અધ્યક્ષસ્થાને તેમજ જિલ્લા ક્ષય અધિકારીની ઉપસ્થિતિમાં ટીબી આરોગ્ય વિભાગની સમીક્ષા બેઠક યોજાઈ હતી.

આ બેઠક દરમિયાન જિલ્લાની ટીબી સેવાઓ કાર્યક્રમોની પ્રગતિનું મૂલ્યાંકન કરવામાં આવ્યું હતું તેમજ ઉપસ્થિત અધિકારીઓને આગામી યોજના અને સુધારણા માટે માર્ગદર્શન આપવામાં આવ્યું હતું. જેથી ગ્રામીણ અને શહેરીસ્તરે આરોગ્ય સેવાઓ વધુ અસરકારક રીતે પ્રદાન કરી શકાય.

આ બેઠક આરોગ્ય વિભાગની કામગીરીને મજબૂત બનાવવા અને સ્થાનિક સ્તરે આરોગ્ય કાર્યક્રમોનું સમન્વય સુનિશ્ચિત કરવા માટે એક મહત્વપૂર્ણ મંચ સાબિત થશે જિલ્લા ક્ષય અધિકારીશ્રીએ એવી આશા વ્યક્ત કરી હતી.

આ બેઠકમાં જિલ્લાના તમામ ડી.ટી.સી સ્ટાફ, એસ.ટી.એસ, ટીબી હેલ્થ ઓફિસર્સ સહિતના અધિકારીઓ ઉપસ્થિત રહ્યાં હતાં.

---------------

હિન્દુસ્થાન સમાચાર / ભરતસિંહ જાદવ