અમરેલી, 09 જાન્યુઆરી (હિ.સ.) ખાંભા ગીર પંથકના ગામડાઓમાં આજે સાંજના સમયે ભૂકંપનો હળવો આંચકો અનુભવાયો હતો. સાંજના ચોક્કસ 7.16 મિનિટે ધરતી કંપી ઉઠતા સ્થાનિક લોકોમાં થોડી ક્ષણ માટે ભયની લાગણી ફેલાઈ ગઈ હતી. ભૂકંપની તીવ્રતા રિક્ટર સ્કેલ પર 1.9 નોંધાઈ હોવાનું પ્રાથમિક માહિતી મુજબ જાણવા મળ્યું છે.

આ ભૂકંપનો આંચકો ખાંભા ગીરના Ingorala, Nanavisavdar, Nani Dhari તેમજ Anida સહિતના ગામોમાં અનુભવાયો હતો. કેટલાક લોકોએ ઘરમાં રહેલી વસ્તુઓ હલતી જણાઈ હોવાનું જણાવ્યું હતું, જ્યારે કેટલાક લોકોને જમીનમાં હળવો ધ્રુજારો અનુભવાયો હતો.

ભૂકંપની તીવ્રતા ઓછી હોવાથી કોઈ જાનમાલના નુકસાનની માહિતી સામે આવી નથી. તેમ છતાં, અચાનક આવેલા આંચકાથી ગ્રામ્ય વિસ્તારોમાં લોકો ઘરની બહાર નીકળી આવ્યા હતા. થોડીવાર બાદ સ્થિતિ સામાન્ય બનતાં લોકોએ રાહતનો શ્વાસ લીધો હતો.

ઉલ્લેખનીય છે કે, સૌરાષ્ટ્ર વિસ્તારમાં સમયાંતરે નાના પ્રમાણના ભૂકંપના આંચકા અનુભવાતા રહે છે. નિષ્ણાતો અનુસાર આવી ઓછી તીવ્રતાના ભૂકંપથી મોટા નુકસાનની શક્યતા ન હોવા છતાં સાવચેતી રાખવી જરૂરી છે.

સ્થાનિક તંત્ર દ્વારા પરિસ્થિતિ પર નજર રાખવામાં આવી રહી છે અને કોઈ પણ આપાતકાલીન સ્થિતિ માટે તૈયાર રહેવા સૂચના આપવામાં આવી છે. લોકોમાં અફવાઓ ન ફેલાય તે માટે પણ અપીલ કરવામાં આવી છે.

---------------

હિન્દુસ્થાન સમાચાર / Gondaliya Abhishek Nandrambhai