સિલવાસા, 14 ઓક્ટોબર (હિ.સ.) : સંઘ પ્રદેશ દાદરા અને નગર હવેલી તથા દમણ-દીવ સાથે જોડાયેલા એક કેસમાં બોમ્બે હાઈકોર્ટના સત્તાવાર રેકોર્ડ અને સોશિયલ મીડિયા પર પ્રસારિત દાવાઓ વચ્ચે તફાવત સામે આવ્યો છે. ઉપલબ્ધ કેસની વિગતો અનુસાર, કમલેશ જેઠમલ શાહ દ્વારા દાખલ કરવામાં આવેલી અરજીમાં સંબંધિત અધિકારીઓ સામે FIR નોંધવાનો કોઈ આદેશ દર્શાવવામાં આવ્યો નથી. કેસની સ્થિતિમાં “Disposed off as Withdrawn” નોંધાયેલું છે, જેનો અર્થ અરજી પાછી ખેંચવાના આધારે કેસનો નિકાલ કરવામાં આવ્યો છે.

પ્રાપ્ત માહિતી મુજબ, અરજી નંબર WP/5130/2026 (ફાઇલિંગ નંબર WPST/19821/2026) પર 13 ઓક્ટોબર, 2026ના રોજ ન્યાયમૂર્તિ એ.એસ. ગડકરી અને ન્યાયમૂર્તિ કમલ ખાતાાની ખંડપીઠ સમક્ષ કાર્યવાહી થઈ હતી. આ કેસને લઈને સોશિયલ મીડિયા પર એવો દાવો પ્રસારિત થયો હતો કે હાઈકોર્ટે સંબંધિત અધિકારીઓ સામે FIR નોંધવાનો નિર્દેશ આપ્યો છે. જોકે, ઉપલબ્ધ કેસની વિગતોમાં આવા કોઈ નિર્દેશનો ઉલ્લેખ નથી.

કોર્ટમાં અરજી દાખલ થવી અને કોર્ટ દ્વારા FIR નોંધવાનો આદેશ આપવામાં આવવો એ બે અલગ બાબતો છે. તેથી, ન્યાયાલયની કાર્યવાહી અંગે કોઈ પણ દાવો કરતાં પહેલાં સત્તાવાર આદેશ અને કેસ સ્ટેટસની ચકાસણી કરવી જરૂરી છે. આ મામલે ઉપલબ્ધ વિગતોના આધારે સોશિયલ મીડિયા પર કરવામાં આવતા દાવાઓની સત્તાવાર દસ્તાવેજો સાથે સરખામણી કરવી જરૂરી બને છે.

સંઘ પ્રદેશમાં જમીનની ખરીદી-વેચાણ અને દલાલી સાથે સંકળાયેલા વ્યવહારો અંગે પણ વિવિધ સવાલો ઊઠી રહ્યા છે. જમીનમાલિકોએ સોદાની શરતો, ચુકવણીના પુરાવા અને મિલકત સંબંધિત દસ્તાવેજોની યોગ્ય ચકાસણી કરવી જોઈએ. જોકે, કોઈ વ્યક્તિ સામે છેતરપિંડી, ખંડણી કે બ્લેકમેઇલિંગ જેવા આરોપોને સત્તાવાર દસ્તાવેજો અથવા સક્ષમ તપાસ વિના સાબિત થયેલા તથ્ય તરીકે રજૂ કરી શકાય નહીં.

અદાલતી કાર્યવાહી અંગેના સમાચાર પ્રકાશિત કરતાં પહેલાં સત્તાવાર રેકોર્ડની ચકાસણી કરવી જરૂરી છે. હાલ ઉપલબ્ધ કેસની વિગતો મુજબ, આ મામલે FIR નોંધવાનો આદેશ દર્શાવવામાં આવ્યો નથી, પરંતુ અરજી પાછી ખેંચવાના આધારે કેસનો નિકાલ નોંધાયો છે.

---------------

હિન્દુસ્થાન સમાચાર / Krishna Ghanshyam Jha