નવી દિલ્હી, 10 નવેમ્બર (હિં.સ.) ઉપરાષ્ટ્રપતિ સી.પી. રાધાકૃષ્ણન, પ્રધાનમંત્રી નરેન્દ્ર મોદી, રક્ષામંત્રી રાજનાથ સિંહ સહિત અનેક નેતાઓએ મંગળવારે ગોવર્ધન પૂજાના અવસરે દેશવાસીઓને શુભેચ્છાઓ પાઠવી.

ઉપરાષ્ટ્રપતિએ એક્સ પર લખ્યું કે, ભગવાન શ્રી કૃષ્ણ દરેક ઘરમાં સુખ, શાંતિ, સમૃદ્ધિ અને સકારાત્મકતાના આશીર્વાદ આપે. આ તહેવાર ભક્તિ, કૃતજ્ઞતા અને પરસ્પર એકતાના મૂલ્યોને વધુ મજબૂત કરે.

પ્રધાનમંત્રી મોદીએ કહ્યું કે, આ પાવન પર્વ આપ સૌના જીવનમાં નવી ઊર્જા અને નવો ઉત્સાહ લઈને આવે. સૌના જીવનમાં ખુશીઓ, સૌભાગ્ય અને સમૃદ્ધિ આવે એ જ તેમની હાર્દિક પ્રાર્થના છે. તેમની વંદના કરીએ છીએ જેમણે ગોવર્ધન પર્વતને ધારણ કર્યો, જે ગોવાળિયાઓના પ્રાણપ્રિય છે, જેમની વીરતા સત્ય પર આધારિત છે અને જે પોતાના ભક્તોના તમામ ભય દૂર કરે છે.

લોકસભા અધ્યક્ષ ઓમ બિરલાએ કહ્યું કે, આ તહેવાર પ્રકૃતિ, કૃષિ, ગૌ-સંરક્ષણ અને લોક-પરંપરાઓ પ્રત્યેના આપણા સન્માનને સમર્પિત છે. ભગવાન શ્રી કૃષ્ણ દ્વારા ગોવર્ધન પર્વતને ઉઠાવવાની કથા સૌને પ્રકૃતિની રક્ષા કરવા, એકજૂટ રહેવા અને તમામ પ્રાણીઓ પ્રત્યે કરુણા રાખવાની શીખ આપે છે. આ તહેવાર ગ્રામીણ સંસ્કૃતિ, કૃષિ પરંપરાઓ અને પશુધન (પશુ સંપત્તિ) ના મહત્વને ફરીથી રેખાંકિત કરવાનો પણ એક અવસર છે.

રાજનાથ સિંહે કહ્યું કે, ભગવાન શ્રી કૃષ્ણ સાથે જોડાયેલો આ પર્વ સૌને પ્રકૃતિ પ્રત્યે સન્માન, ભોજનના મહત્વ અને ગૌ-સંરક્ષણ તેમજ સંભાળ પ્રત્યેની જવાબદારીઓની યાદ અપાવે છે. આ અવસર સૌને કૃતજ્ઞતા, એકતા અને સૌના કલ્યાણના મૂલ્યોને અપનાવવાની પ્રેરણા પણ આપે છે.

કેન્દ્રીય ગૃહ અને સહકાર મંત્રી અમિત શાહે કહ્યું કે, ભગવાન શ્રી કૃષ્ણની કૃપા સૌના જીવનમાં સુખ, સમૃદ્ધિ અને ખુશહાલી લાવે.

કેન્દ્રીય સામાજિક ન્યાય અને અધિકારિતા મંત્રી વીરેન્દ્ર કુમારે કહ્યું કે, યોગેશ્વર ભગવાન શ્રીકૃષ્ણ સૌને સુખ, સમૃદ્ધિ, આરોગ્ય અને યશ પ્રદાન કરે તથા આપણા કૃષિ, પર્યાવરણ અને ગૌ સંવર્ધનમાં ઉત્તરોત્તર ઉન્નતિ થાય.

ભારતીય જનતા પાર્ટી (ભાજપ) ના રાષ્ટ્રીય અધ્યક્ષ નિતિન નવીને કહ્યું કે, ગોવર્ધનને ધારણ કરનારા, ગોકુળના રક્ષક. જેમણે ભગવાન વિષ્ણુની ભુજાઓના બળથી ગોવર્ધન પર્વતને ઉપર ઉઠાવ્યો અને લોકોને અગણિત ગાયો પ્રદાન કરી. ભગવાન શ્રી કૃષ્ણએ ગોકુળના લોકોની રક્ષા માટે ગોવર્ધન પર્વતને ઉઠાવ્યો હતો અને પ્રકૃતિ, પશુધન તથા અન્ન પ્રત્યે કૃતજ્ઞતાનો સંદેશ આપ્યો હતો. 'અન્નકૂટ' નો આ પર્વ સૌને ધરતી માતા, પ્રકૃતિ અને અન્ન પ્રદાન કરનારા ખેડૂતોનું સન્માન કરવા તથા તેમના પ્રત્યે આભાર વ્યક્ત કરવાની પ્રેરણા આપે છે. ભગવાન શ્રી કૃષ્ણની કૃપાથી, દરેક ઘર અન્ન અને સમૃદ્ધિથી પરિપૂર્ણ હો.

હિન્દુસ્થાન સમાચાર / શ્રદ્ધા દ્વિવેદી / મુકુંદ

હિન્દુસ્થાન સમાચાર / માધવી વ્યાસ