નવા વર્ષની રજાઓમાં દીવમાં પ્રવાસીઓનો ધસારો: નાગવા, ચક્રતીર્થ અને ઘોઘલા બીચ પર પ્રવાસીઓની ભીડ ઉમટી
દીવ, 14 નવેમ્બર (હિ.સ.): દિવાળી અને નવા વર્ષની રજાઓમાં દેશના અલગ-અલગ રાજ્યોમાંથી મોટી સંખ્યામાં પ્રવાસીઓ દીવ આવી રહ્યા છે. દરિયાકિનારા, ઐતિહાસિક સ્થળો, બજારો અને પ્રવાસન સ્થળોએ ભીડ જોવા મળી રહી છે. દિવાળીથી શરૂ થયેલો પ્રવાસીઓનો પ્રવાહ નવા વર્ષની રજ
નવા વર્ષની રજાઓમાં દીવમાં


દીવ, 14 નવેમ્બર (હિ.સ.): દિવાળી અને નવા વર્ષની રજાઓમાં દેશના અલગ-અલગ રાજ્યોમાંથી મોટી સંખ્યામાં પ્રવાસીઓ દીવ આવી રહ્યા છે. દરિયાકિનારા, ઐતિહાસિક સ્થળો, બજારો અને પ્રવાસન સ્થળોએ ભીડ જોવા મળી રહી છે. દિવાળીથી શરૂ થયેલો પ્રવાસીઓનો પ્રવાહ નવા વર્ષની રજાઓમાં વધ્યો છે

નાગવા સહિતના દરિયાકિનારા પર પ્રવાસીઓની ભીડ જોવા મળી રહી છે.

સાસણ ગીર અને સોમનાથની સાથે દીવ પણ પ્રવાસીઓનું પસંદગીનું સ્થળ બન્યું છે. નાગવા બીચ પર પ્રવાસીઓ પરિવાર સાથે દરિયાની લહેરો અને વાતાવરણ માણી રહ્યા છે, જ્યારે ચક્રતીર્થ અને ઘોઘલા બીચ પર પણ પ્રવાસીઓની અવરજવર વધી છે.

બજારોમાં ચહલપહલ અને ઇમારતો પર લાઇટિંગ

દિવાળીની રજાઓને કારણે દીવના મુખ્ય બજારોમાં ચહલપહલ વધી છે. હોટલ, રિસોર્ટ, રેસ્ટોરન્ટ અને ખાણીપીણીનાં સ્થળોએ પ્રવાસીઓની અવરજવર વધી રહી છે, આ ઉપરાંત દીવની હોટલ, રિસોર્ટ અને ઇમારતોને લાઇટથી શણગારવામાં આવી છે, જેથી રાત્રે દીવમાં લાઇટિંગ જોવા મળે છે.

ઐતિહાસિક ધરોહર અને ધાર્મિક સ્થળોની મુલાકાત

પ્રવાસીઓ દીવ કિલ્લો, પાણી કોઠા, સેન્ટ પોલ ચર્ચ, ગંગેશ્વર મહાદેવ મંદિર, ઐતિહાસિક અને ધાર્મિક સ્થળોએ પણ જઈ રહ્યા છે. હોટલ, રેસ્ટોરન્ટ અને વાહન વ્યવહારમાં તેજી દિવાળી અને નવા વર્ષની રજાઓમાં પ્રવાસીઓની વધતી સંખ્યાથી સ્થાનિક અર્થતંત્રને વેગ મળ્યો છે. પ્રવાસીઓના ધસારાને કારણે હોટલ, રેસ્ટોરન્ટ, વાહન વ્યવહાર અને સ્થાનિક વેપારીઓના ધંધામાં તેજી આવી છે.

---------------

હિન્દુસ્થાન સમાચાર / ભરતસિંહ જાદવ


 rajesh pande