પીજીવીસીએલના જામનગર અને જામજોધપુર સ્ટોરને મળ્યું આંતરરાષ્ટ્રીય ISO પ્રમાણપત્ર
ગુણવત્તા વ્યવસ્થાપન અને ગ્રાહક સંતોષ ક્ષેત્રે ઉત્કૃષ્ટ કામગીરી બદલ જામનગર સર્કલને વૈશ્વિક સ્તરે મળી મોટી સિદ્ધિ જામનગર, 15 નવેમ્બર (હિ.સ.) : પશ્ચિમ ગુજરાત વીજ કંપની લિમિટેડ (પીજીવીસીએલ) અંતર્ગત કાર્યરત જામનગર રિજનલ સ્ટોર અને જામજોધપુર ડિવિઝનલ સ્ટો
પીજીવીસીએલ


ગુણવત્તા વ્યવસ્થાપન અને ગ્રાહક સંતોષ ક્ષેત્રે ઉત્કૃષ્ટ કામગીરી બદલ જામનગર સર્કલને વૈશ્વિક સ્તરે મળી મોટી સિદ્ધિ

જામનગર, 15 નવેમ્બર (હિ.સ.) : પશ્ચિમ ગુજરાત વીજ કંપની લિમિટેડ (પીજીવીસીએલ) અંતર્ગત કાર્યરત જામનગર રિજનલ સ્ટોર અને જામજોધપુર ડિવિઝનલ સ્ટોરને આંતરરાષ્ટ્રીય ગુણવત્તા વ્યવસ્થાપન ધોરણ ISO 9001:2015 તથા ગ્રાહક ફરિયાદ નિવારણ ધોરણ ISO 10002:2018 ના પ્રમાણપત્રો પ્રાપ્ત થયા છે.

આ વિશેષ સિદ્ધિ બદલ પીજીવીસીએલના મેનેજિંગ ડિરેક્ટર દ્વારા જામનગર વર્તુળ કચેરીની કામગીરીની પ્રશંસા કરવામાં આવી છે. આ પ્રમાણપત્રો મળવાથી બંને સ્ટોરની કામગીરીમાં ગુણવત્તાયુક્ત વ્યવસ્થાપન, પારદર્શિતા, દસ્તાવેજીકરણ, કાર્યક્ષમતા અને ગ્રાહક સંતોષ પ્રત્યેની પ્રતિબદ્ધતાને આંતરરાષ્ટ્રીય સ્તરે માન્યતા મળી છે, જે સંસ્થા માટે ગૌરવપૂર્ણ બાબત છે.

આ મહત્વપૂર્ણ સફળતા પાછળ જામનગર વર્તુળ કચેરીના ઉચ્ચ અધિકારીઓનું માર્ગદર્શન, પ્રેરણા અને સહકાર મહત્વપૂર્ણ રહ્યો છે. આ ઉપરાંત, રિજનલ સ્ટોર જામનગર અને જામજોધપુર ડિવિઝનલ સ્ટોરના તમામ અધિકારીઓ તથા કર્મચારીઓની સખત મહેનત, ટીમવર્ક અને સમર્પણનો નોંધપાત્ર ફાળો રહેલો છે.

આ પ્રમાણપત્ર માત્ર એક સિદ્ધિ નથી, પરંતુ ગુણવત્તા અને સતત સુધારણા પ્રત્યેની પ્રતિબદ્ધતાનું પ્રતીક છે. આ સન્માનથી જામનગર સર્કલની કામગીરીને નવી ઓળખ મળી છે અને ભવિષ્યમાં પણ ગ્રાહકોને વધુ સારી સેવાઓ પૂરી પાડવા માટે પ્રોત્સાહન પૂરું પાડશે.

---------------

હિન્દુસ્થાન સમાચાર / Dhaval Nilesh bhai bhatt


 rajesh pande