વિથોણ કિસાન સંઘમાં નવી ટીમનો કાર્યભાર: શાંતિલાલ નાયાણીની પ્રમુખપદે બિનહરીફ વરણી, ખેડૂતોના હિત માટે સંગઠન બનશે સક્રિય
૨૦૨૬થી ૨૦૨૯ના ત્રણ વર્ષના કાર્યકાળ માટે સમગ્ર કારોબારીની સર્વાનુમતે પસંદગી; ઉપપ્રમુખથી લઈને સલાહકારો સુધી તમામ હોદ્દાઓ પર નવી જવાબદારીઓ સોંપાઈ કચ્છ, 17 નવેમ્બર (હિ.સ.): નખત્રાણા તાલુકાના વિથોણ ગામમાં ખેડૂતોના સંગઠનને વધુ મજબૂત બનાવવા અને ખેતીવાડી
વિથોણ કિસાન સંઘમાં નવી ટીમનો કાર્યભાર


વિથોણ કિસાન સંઘમાં નવી ટીમનો કાર્યભાર


વિથોણ કિસાન સંઘમાં નવી ટીમનો કાર્યભાર


૨૦૨૬થી ૨૦૨૯ના ત્રણ વર્ષના કાર્યકાળ માટે સમગ્ર કારોબારીની સર્વાનુમતે પસંદગી; ઉપપ્રમુખથી લઈને સલાહકારો સુધી તમામ હોદ્દાઓ પર નવી જવાબદારીઓ સોંપાઈ

કચ્છ, 17 નવેમ્બર (હિ.સ.): નખત્રાણા તાલુકાના વિથોણ ગામમાં ખેડૂતોના સંગઠનને વધુ મજબૂત બનાવવા અને ખેતીવાડી ક્ષેત્રના પ્રશ્નોને સંગઠિત રીતે વાચા આપવા દિશામાં વિથોણ કિસાન સંઘ ગ્રામ સમિતિ દ્વારા નવી કારોબારીની રચના કરવામાં આવી છે. આગામી ત્રણ વર્ષ માટે યોજાયેલી આ સંગઠનાત્મક પ્રક્રિયામાં તમામ હોદ્દેદારોની સર્વાનુમતે બિનહરીફ પસંદગી થતાં સંઘના સભ્યોમાં ઉત્સાહ અને આનંદનો માહોલ જોવા મળ્યો હતો. નવી ટીમમાં પ્રમુખ તરીકે શાંતિલાલ ગોપાલભાઈ નાયાણીની પસંદગી કરવામાં આવી છે.

તા. ૧૫ નવેમ્બર ૨૦૨૬થી તા. ૧૫ નવેમ્બર ૨૦૨૯ સુધીના કાર્યકાળ માટે રચાયેલી આ નવી ટીમમાં વિવિધ હોદ્દાઓ પર અનુભવી સભ્યોને જવાબદારી સોંપવામાં આવી છે. ઉપપ્રમુખ તરીકે ઈશ્વરભાઈ રામજીભાઈ નાયાણી અને જેંતીલાલ હીરાલાલ ભગતની પસંદગી કરાઈ છે, જ્યારે મહામંત્રી તરીકે યોગેશભાઈ જેઠાલાલ નરસીંગાણી સંગઠનની કામગીરી સંભાળશે. સહમંત્રી તરીકે તુલસીદાસ પરબતભાઈ પદમાણી, ખજાનચી તરીકે લક્ષ્મણભાઈ હરિભાઈ નાયાણી અને સહખજાનચી તરીકે પ્રેમજીભાઈ ખીમજીભાઈ સુરાણીને જવાબદારી સોંપવામાં આવી છે.

કારોબારીના સભ્યો તરીકે હરિલાલ કાંતિલાલ નાયાણી, મોહનલાલ શિવજીભાઈ ભગત, દયારામભાઈ લાલજી ખેતાણી, ધીરજલાલ હીરાભાઈ નાયાણી, વાલજીભાઈ રામજીભાઈ વાલાણી અને હરેશભાઈ જેસાભાઈ માતાણીનો સમાવેશ કરવામાં આવ્યો છે. સંગઠનને માર્ગદર્શન અને સલાહ મળી રહે તે હેતુથી નાનજીભાઈ હંસરાજભાઈ નાકરાણી, દિનેશભાઈ ગોપાલભાઈ રૂડાણી, વિઠ્ઠલભાઈ રામજીભાઈ ભગત અને બાબુભાઈ ગોપાલભાઈ વાલાણીને સલાહકાર તરીકે સ્થાન આપવામાં આવ્યું છે.

ખેડૂતો ખેતીના વ્યવસાયમાં અનેક પડકારોનો સામનો કરી રહ્યા છે ત્યારે કિસાન સંઘ જેવા સંગઠનોની ભૂમિકા મહત્ત્વપૂર્ણ બની રહે છે. ખેડૂતોના પ્રશ્નોને યોગ્ય મંચ સુધી પહોંચાડવા, ખેતીને લગતી સમસ્યાઓના ઉકેલ માટે સામૂહિક પ્રયાસો કરવા તેમજ ખેડૂતોના હિતોનું રક્ષણ કરવા નવી કારોબારી સંગઠનાત્મક એકતા સાથે કાર્યરત બને તેવી અપેક્ષા વ્યક્ત કરવામાં આવી છે.

સમગ્ર ટીમની બિનહરીફ વરણી એ સભ્યો વચ્ચેના પરસ્પર વિશ્વાસ અને સહમતીનું પ્રતિબિંબ બની છે. નવનિયુક્ત પ્રમુખ શાંતિલાલ નાયાણી દ્વારા વિથોણ કિસાન સંઘ ગ્રામ સમિતિ વતી અખબારી યાદી મારફતે નવી કારોબારીની વિગતો જાહેર કરવામાં આવી હતી. હવે આગામી ત્રણ વર્ષ દરમિયાન નવી ટીમ ખેડૂતોના પ્રશ્નો અને ખેતીના સર્વાંગી વિકાસ માટે કેવું કાર્ય કરે છે તેના પર સૌની નજર રહેશે.

---------------

હિન્દુસ્થાન સમાચાર / Rohit Ramjibhai Padhiyar


 rajesh pande