
અમરેલી19 નવેમ્બર (હિ.સ.
અમરેલી શહેરની સ્વચ્છતા અને સુંદરતા જાળવવામાં મહત્વની ભૂમિકા ભજવતા સફાઈ કર્મચારીઓ માટે ખુશીના સમાચાર સામે આવ્યા છે. અમરેલી નગર સેવા સદન ખાતે નગરપાલિકાના સફાઈ કર્મચારી ભાઈઓ-બહેનોને રાજ્યમંત્રી કૌશિકભાઈ વેકરિયાના વરદહસ્તે નિમણૂક પત્રો એનાયત કરવામાં આવ્યા હતા.
આ પ્રસંગે સફાઈ કર્મચારીઓના સેવાકાર્ય અને તેમના યોગદાનને બિરદાવવામાં આવ્યું હતું. શહેરને સ્વચ્છ, સુંદર અને સ્વસ્થ રાખવા માટે સફાઈ કર્મચારીઓ દિવસ-રાત પોતાની ફરજ નિષ્ઠાપૂર્વક નિભાવે છે. શહેરની સ્વચ્છતા વ્યવસ્થામાં તેમનું યોગદાન ખરેખર અમૂલ્ય છે.
સફાઈ કર્મચારીઓ માત્ર શહેરની ગંદકી દૂર કરવાનું કામ જ નથી કરતા, પરંતુ નાગરિકોના આરોગ્યની જાળવણી અને સ્વચ્છ વાતાવરણના નિર્માણમાં પણ મહત્વપૂર્ણ યોગદાન આપે છે. તેમની મહેનત અને સેવાભાવના કારણે જ શહેરની સ્વચ્છતા વ્યવસ્થા મજબૂત બને છે.
આ પ્રસંગે રાજ્યમંત્રી કૌશિકભાઈ વેકરિયાએ તમામ કર્મચારી ભાઈઓ-બહેનોને નવી જવાબદારી બદલ હાર્દિક અભિનંદન પાઠવ્યા હતા અને તેઓ પોતાની ફરજ નિષ્ઠા, પ્રમાણિકતા અને સેવાભાવથી નિભાવતા રહે તેવી શુભકામનાઓ વ્યક્ત કરી હતી.
હિન્દુસ્થાન સમાચાર / Gondaliya Abhishek Nandrambhai