નવી દિલ્હી, 08 નવેમ્બર (હિ.સ.). ઉપરાષ્ટ્રપતિ સી.પી. રાધાકૃષ્ણન, પ્રધાનમંત્રી નરેન્દ્ર મોદી અને રક્ષામંત્રી રાજનાથ સિંહ સહિત અનેક નેતાઓએ રવિવારે દેશના પૂર્વ નાયબ પ્રધાનમંત્રી, ભાજપના વરિષ્ઠ નેતા લાલકૃષ્ણ અડવાણીને જન્મદિવસના અવસરે અભિનંદન અને શુભેચ્છાઓ પાઠવી.

ઉપરાષ્ટ્રપતિએ એક્સ પર લખ્યું, એલ. કે. અડવાણીને જન્મદિવસની હાર્દિક શુભેચ્છાઓ. દાયકાઓ સુધી તેમની જનસેવા અને રાષ્ટ્ર પ્રત્યેનું તેમનું સમર્પણ, ભારતની લોકતાંત્રિક યાત્રાનો એક મહત્વપૂર્ણ ભાગ રહ્યું છે. હું તેમના સારા સ્વાસ્થ્ય, ખુશી અને કુશળ મંગળની કામના કરું છું.

ભારત પ્રત્યે અડવાણીના અમૂલ્ય યોગદાનને રેખાંકિત કરતા લેખને શેર કરતા પ્રધાનમંત્રી મોદીએ કહ્યું કે, ગમે તેટલી મુશ્કેલ પરિસ્થિતિઓ કેમ ન હોય, નવા રીતથી કંઈક ઊભું કરવાનો તેમનો આ સંકલ્પ જીવનભર તેમની સાથે રહ્યો. જનસંઘને મજબૂત બનાવવામાં અને બાદમાં ભારતીય જનતા પાર્ટીના નિર્માણમાં પણ તેમનો આ જ ગુણ સામે આવ્યો. ભાજપના રાષ્ટ્રીય અધ્યક્ષ તરીકેના તેમના કાર્યકાળમાં દેશની રાજનીતિએ મોટા બદલાવો જોયા. ઈશ્વરને તેમના ઉત્તમ સ્વાસ્થ્ય માટે પ્રાર્થના કરીએ છીએ. તેઓ આ જ રીતે સૌને પ્રેરણા આપતા રહે અને માર્ગદર્શન કરતા રહે.

લોકસભા અધ્યક્ષ ઓમ બિરલાએ કહ્યું કે, રાષ્ટ્ર પ્રત્યે લાલકૃષ્ણ અડવાણીનું સમર્પણ, સાર્વજનિક જીવનમાં તેમનો સુદીર્ઘ અનુભવ તથા લોકતાંત્રિક મૂલ્યો પ્રત્યે તેમની પ્રતિબદ્ધતા સૌના માટે પ્રેરણાદાયી છે. ઈશ્વરને પ્રાર્થના છે કે તેમને ઉત્તમ સ્વાસ્થ્ય, દીર્ઘાયુ અને સુખમય જીવન પ્રદાન કરે. તેમનો સાનિધ્ય સૌને નિરંતર મળતો રહે.

રક્ષામંત્રી રાજનાથ સિંહે કહ્યું કે, અડવાણીએ પોતાના લાંબા સાર્વજનિક જીવનમાં શુચિતા, સમર્પણ અને નેતૃત્વના નવા પ્રતિમાન સ્થાપિત કર્યા છે અને તેમના માધ્યમથી તેમણે રાષ્ટ્ર નિર્માણમાં અમૂલ્ય યોગદાન આપ્યું છે. ભારતીય જનતા પાર્ટીની સ્થાપનાથી લઈને તેને દેશના ખૂણેખૂણે પહોંચાડવામાં તેમની ભૂમિકા અત્યંત મહત્વપૂર્ણ રહી છે. તેમણે પોતાના કૃતિત્વ અને વ્યક્તિત્વથી ભારતીય રાજનીતિને સમૃદ્ધ કરી છે. જનસેવા પ્રત્યે સમર્પિત તેમનું જીવન અને તેમના આદર્શો આવનારી પેઢીઓ માટે હંમેશા પ્રેરણાસ્ત્રોત રહેશે.

કેન્દ્રીય ગૃહ અને સહકારિતા મંત્રી અમિત શાહે કહ્યું કે, એક સાધારણ પરિવારમાંથી નીકળીને ભાજપના સંસ્થાપક સભ્ય, રાષ્ટ્રીય અધ્યક્ષ અને દેશના નાયબ પ્રધાનમંત્રી, દરેક ભૂમિકામાં અડવાણીનું જીવન જનસેવા અને રાષ્ટ્ર પ્રથમનું જીવંત ઉદાહરણ છે. સંઘર્ષ, ત્યાગ અને તપસ્યાથી ભરેલા પોતાના જીવનથી તેમણે બતાવ્યું છે કે માતૃભૂમિ અને વિચારધારા પ્રત્યે સમર્પણ જ ભાજપના કાર્યકર્તાઓની ઓળખ છે.

કેન્દ્રીય માર્ગ પરિવહન અને રાજમાર્ગ મંત્રી નીતિન ગડકરીએ કહ્યું કે, ઈશ્વરને અડવાણીના ઉત્તમ સ્વાસ્થ્ય, દીર્ઘાયુ અને મંગલમય જીવન માટે પ્રાર્થના કરીએ છીએ. તેમનું માર્ગદર્શન આ જ રીતે સૌને મળતું રહે, એવી જ કામના છે.

કેન્દ્રીય સ્વાસ્થ્ય મંત્રી જે.પી. નડ્ડાએ કહ્યું કે, રાષ્ટ્ર પ્રત્યે તેમનું સમર્પણ, વિચારોની દ્રઢતા, સિદ્ધાંતો પ્રત્યે અટૂટ નિષ્ઠા અને સંગઠન પ્રત્યે તેમની સાધના ભારતીય રાજનીતિના ઇતિહાસમાં હંમેશા સુવર્ણ અક્ષરોમાં અંકિત રહેશે. ભાજપને એક સશક્ત સંગઠન તરીકે સ્થાપિત કરવાથી લઈને રાષ્ટ્ર નિર્માણમાં તેમનું અતુલનીય યોગદાન સૌના માટે પ્રેરણાસ્ત્રોત છે.

કેન્દ્રીય કૃષિ અને કિસાન કલ્યાણ મંત્રી શિવરાજ સિંહ ચૌહાણે કહ્યું કે પ્રભુ શ્રી રામની કૃપા તેમના (અડવાણી પર) નિરંતર વરસતી રહે. તેઓ હંમેશા સ્વસ્થ રહે, દીર્ઘાયુ થાય, અને તેમના સ્નેહભર્યા આશીર્વાદ અને માર્ગદર્શન સૌને સદાય પ્રાપ્ત થતા રહે, એવી જ પ્રાર્થના કરીએ છીએ.

ભારતીય જનતા પાર્ટી (ભાજપ) ના રાષ્ટ્રીય અધ્યક્ષ નીતિન નવીને કહ્યું કે, જનસંઘથી લઈને ભારતીય જનતા પાર્ટી સુધી, સંગઠનના વિસ્તરણ, રાષ્ટ્રવાદી વિચારધારાને જન-જન સુધી પહોંચાડવામાં અને શ્રીરામ જન્મભૂમિ આંદોલનને જન-આંદોલનનું સ્વરૂપ આપવામાં તેમનું અવિસ્મરણીય યોગદાન રહ્યું છે. સાર્વજનિક જીવનમાં તેમની શુચિતા અને સંગઠન પ્રત્યે અટૂટ નિષ્ઠા ભાજપના તમામ કાર્યકર્તાઓ માટે હંમેશા પ્રેરણાસ્ત્રોત રહેશે.

હિન્દુસ્થાન સમાચાર / શ્રદ્ધા દ્વિવેદી / મુકુંદ

હિન્દુસ્થાન સમાચાર / ડો.હિતેશ એન.વ્યાસ