પાટણ, 14 માર્ચ (હિ.સ.)સિદ્ધપુરના માધુપાવડીયા ઘાટ પાસે મોબાઈલ એપ દ્વારા જુગાર રમતા બે શખ્સોને પોલીસે ઝડપી પાડ્યા છે. આ બંને ‘લુડો કિંગ’ એપ્લિકેશનમાં કુકરીઓની પદ્ધતિથી હાર-જીતનો જુગાર રમી રહ્યા હતા.

બાતમીના આધારે સિદ્ધપુર પોલીસ સ્ટેશનના જવાનોએ દરોડો પાડી નરેશકુમાર શીવરામભાઈ રાજગોર અને તુષાર પ્રકાશકુમાર કંદોઈને રંગેહાથ પકડી પાડ્યા હતા.

પોલીસે સ્થળ પરથી કુલ ₹5,160નો મુદ્દામાલ જપ્ત કર્યો છે, જેમાં ₹5,000ની કિંમતનો Vivo Y-73 મોબાઈલ ફોન અને ₹160ની રોકડ રકમનો સમાવેશ થાય છે. બંને સામે જુગારધારા કલમ 12 હેઠળ ગુનો નોંધી આગળની તપાસ એએસઆઈ નિકિતાબેન ઘેમરભાઈ કરી રહ્યા છે.

હિન્દુસ્થાન સમાચાર / હાર્દિક રાઠોડ