ભાવનગર, 23 માર્ચ (હિ.સ.) : ગુજરાત રાજ્ય હોમ ગાર્ડ દ્વારા આયોજિત રાજ્ય કક્ષાના રમતોત્સવમાં ભાવનગર જિલ્લાના મહુવા તાલુકાના બગદાણા હોમ ગાર્ડ યુનિટના જવાન રાજુભાઈ જાદવે ગોળા ફેંક (Shot Put) સ્પર્ધામાં ઉત્કૃષ્ટ પ્રદર્શન કરીને દ્વિતીય સ્થાન મેળવી જિલ્લાનું નામ ગૌરવાવ્યું છે. આ રમતોત્સવમાં રાજ્યભરના વિવિધ જિલ્લાઓમાંથી આવેલા હોમગાર્ડ જવાનો ઉત્સાહપૂર્વક જોડાયા હતા અને તેમની રમતિયાળ પ્રતિભા પ્રદર્શિત કરી હતી.

રાજુભાઈ જાદવે ગોળા ફેંક સ્પર્ધામાં પોતાની કૌશલ્ય, શક્તિ અને સતત મહેનતના આધારે શાનદાર દેખાવ કર્યો હતો. તેમની આ સિદ્ધિ માત્ર વ્યક્તિગત સફળતા નથી, પરંતુ સમગ્ર બગદાણા યુનિટ અને ભાવનગર જિલ્લા માટે ગૌરવની બાબત બની છે. રમતોત્સવ દરમિયાન તેમણે પ્રતિસ્પર્ધીઓને ટક્કર આપીને પોતાની ક્ષમતાનો પરિચય આપ્યો હતો.

આ સિદ્ધિ પાછળ જિલ્લા કમાડન્ટ શ્રી શંભુસિંહજી સરવૈયા સાહેબનું માર્ગદર્શન અને બગદાણા યુનિટના O.C. શ્રી જે.બી. પંડ્યા સાહેબની પ્રેરણા મહત્વપૂર્ણ રહી છે. તેમના માર્ગદર્શન હેઠળ રાજુભાઈએ સતત પ્રેક્ટિસ કરી અને પોતાની રમતિયાળ ક્ષમતાને વધુ મજબૂત બનાવી. આ ઉપરાંત યુનિટના અન્ય જવાનોનો સહયોગ અને પ્રોત્સાહન પણ તેમને મળતું રહ્યું હતું.

રાજુભાઈ જાદવની આ સફળતાથી બગદાણા હોમ ગાર્ડ યુનિટમાં ખુશીની લાગણી ફેલાઈ ગઈ છે. સહકર્મીઓ, અધિકારીઓ તેમજ સ્થાનિક લોકો દ્વારા તેમને હાર્દિક અભિનંદન પાઠવવામાં આવી રહ્યા છે. તેમની આ સિદ્ધિ અન્ય જવાનો માટે પ્રેરણારૂપ બની છે અને વધુ મહેનત કરીને રાજ્ય અને રાષ્ટ્રીય સ્તરે આગળ વધવાની પ્રેરણા પૂરી પાડે છે.

આવો ખેલકૂદ પ્રત્યેનો ઉત્સાહ અને પ્રતિબદ્ધતા જ હોમગાર્ડ જવાનોને શારીરિક તેમજ માનસિક રીતે મજબૂત બનાવે છે અને તેમની સેવાકીય ક્ષમતામાં વધારો કરે છે.

---------------

હિન્દુસ્થાન સમાચાર / GONDALIYA DISHANT