બોટાદ, 24 માર્ચ (હિ.સ.)બોટાદ જિલ્લાના રાણપુર વિસ્તારમાં મીલેટરી રોડ પર એક કાર પલટી ખાઈ જતા અકસ્માત સર્જાયો હતો. મળતી માહિતી મુજબ, રાણપુર નજીક મીલેટરી રોડ પરવાળા ચોકડી પાસે આ બનાવ બન્યો હતો, જેમાં કારમાં સવાર બે વ્યક્તિઓને સામાન્ય ઇજાઓ પહોંચી હતી. ઘટનાની જાણ થતાં જ આસપાસના લોકો તાત્કાલિક મદદ માટે દોડી આવ્યા હતા.પ્રાથમિક માહિતી અનુસાર, કાર અચાનક નિયંત્રણ ગુમાવી રોડ પરથી ઉતરી ગઈ હતી અને બાજુમાં આવેલા ખાડામાં પલટી ખાઈ ગઈ હતી.

અકસ્માતના કારણે કારને ભારે નુકસાન થયું હતું, પરંતુ સદભાગ્યે તેમાં સવાર બંને વ્યક્તિઓને ગંભીર ઇજા પહોંચી ન હતી. આ ઘટનામાં મોટી જાનહાનિ ટળી હોવાને કારણે લોકોમાં રાહતનો શ્વાસ લેવાયો હતો.અકસ્મતમાં ઇજાગ્રસ્ત બનેલા બંને વ્યક્તિઓને તાત્કાલિક સારવાર માટે રાણપુરની સરકારી હોસ્પિટલ ખાતે ખસેડવામાં આવ્યા હતા, જ્યાં તેમની સારવાર હાથ ધરવામાં આવી હતી. બંનેની હાલત સ્થિર છે અને તેમને સામાન્ય ઇજાઓ પહોંચી છે. અકસ્માતનું કારણ કારચાલક દ્વારા વાહન પરનો કાબૂ ગુમાવવો હોવાનું માનવામાં આવી રહ્યું છે, જોકે સંપૂર્ણ વિગતો તપાસ બાદ જ સામે આવશે.આ અકસ્માતે ફરી એકવાર માર્ગ સલામતી અંગે સાવચેતી રાખવાની જરૂરિયાતને ઉજાગર કરી છે.

ખાસ કરીને હાઇવે અને વ્યસ્ત રસ્તાઓ પર વાહન ચલાવતી વખતે ઝડપ પર નિયંત્રણ રાખવું અને સાવચેતીપૂર્વક વાહન ચલાવવું અત્યંત જરૂરી છે.સદભાગ્યે, આ બનાવમાં કોઈ જાનહાનિ થઈ નથી, પરંતુ આવી ઘટનાઓથી પાઠ લઈને દરેક વાહનચાલકોએ વધુ સાવચેતી રાખવી જોઈએ.

---------------

હિન્દુસ્થાન સમાચાર / GONDALIYA DISHANT