અમરેલી, 20 એપ્રિલ (હિ.સ.) શેડુભાર ખાતે સ્થાનિક સ્વરાજની ચૂંટણી નિમિત્તે યોજાયેલી મહત્વપૂર્ણ બેઠકમાં મોટી સંખ્યામાં કાર્યકર્તાઓ ઉપસ્થિત રહ્યા હતા. બેઠક દરમિયાન સંગઠનની શક્તિ, એકતા અને આગામી ચૂંટણી માટેની વ્યૂહરચનાને લઈને વિસ્તૃત ચર્ચા કરવામાં આવી. કાર્યકર્તાઓ સાથે થયેલા સંવાદમાં ઉત્સાહ અને ઊર્જાનો માહોલ સ્પષ્ટપણે જોવા મળ્યો હતો. દરેક કાર્યકર્તાના ચહેરા પર જીતનો આત્મવિશ્વાસ અને પક્ષ પ્રત્યેની પ્રતિબદ્ધતા ઝળકતી હતી.

આ પ્રસંગે મંત્રી કોશીક વેકારીયા ખાસ ઉપસ્થિત રહ્યા હતા અને કાર્યકર્તાઓને પ્રેરણાદાયી માર્ગદર્શન આપ્યું હતું. તેમણે આવનારી ચૂંટણીમાં ઐતિહાસિક જીત હાંસલ કરવા માટે સૌએ એકતા, સમર્પણ અને સંકલ્પ સાથે કાર્ય કરવાની જરૂરિયાત પર ભાર મૂક્યો હતો. તેમણે કાર્યકર્તાઓને પોતાના વિસ્તારમાં વધુ સક્રિય બનવા, જનતાની વચ્ચે રહેવા અને પક્ષના વિચારોને ઘર ઘર સુધી પહોંચાડવા અપીલ કરી હતી.

બેઠક દરમિયાન વિકાસના મુદ્દાઓને કેન્દ્રમાં રાખીને જનસમર્થન વધારવાની દિશામાં કાર્ય કરવાની પણ સૂચના આપવામાં આવી હતી. અંતે, તમામ કાર્યકર્તાઓએ એકસ્વરે પક્ષને ભવ્ય વિજય અપાવવાનો સંકલ્પ વ્યક્ત કર્યો હતો, જે આગામી ચૂંટણી માટે સકારાત્મક સંકેત માનવામાં આવી રહ્યો છે.

---------------

હિન્દુસ્થાન સમાચાર / Gondaliya Abhishek Nandrambhai