ભાવનગર, 09 એપ્રિલ (હિ.સ.)બોટાદ જિલ્લામાં સ્થાનિક સ્વરાજ્યની ચુંટણી ૨૦૨૬ને ધ્યાનમાં રાખીને વિદ્યાર્થીઓમાં મતદાન અંગે જાગૃતિ લાવવા માટે શાળાઓમાં નિબંધ સ્પર્ધાનું આયોજન કરવામાં આવ્યું હતું. લોકશાહીના મજબૂત આધાર તરીકે મતદાનનું મહત્વ સમજાવવા તથા નાગરિકોમાં જવાબદારીની ભાવના વિકસાવવા આ પ્રકારની પ્રવૃત્તિઓ મહત્વપૂર્ણ સાબિત થઈ રહી છે.આ નિબંધ સ્પર્ધામાં વિદ્યાર્થીઓએ ઉત્સાહભેર ભાગ લીધો હતો અને “મતદાનનો અધિકાર અને ફરજ”, “સુસજ્જ લોકશાહી માટે મતદાન જરૂરી” જેવા વિષયો પર પોતાના વિચારો વ્યક્ત કર્યા હતા. વિદ્યાર્થીઓએ પોતાના નિબંધોમાં મતદાનનું મહત્વ, સજાગ મતદારોની ભૂમિકા તેમજ લોકશાહી પ્રણાલીને મજબૂત બનાવવા માટે દરેક નાગરિકે મતદાન કરવું જોઈએ તે અંગે સ્પષ્ટ સંદેશ આપ્યો હતો.જિલ્લા પ્રશાસન તથા શિક્ષણ વિભાગ દ્વારા આ સ્પર્ધાનું આયોજન કરીને વિદ્યાર્થીઓમાં નાની વયથી જ લોકશાહી મૂલ્યો પ્રત્યે જાગૃતિ લાવવા પ્રયાસ કરવામાં આવ્યો છે. શાળાઓમાં શિક્ષકો દ્વારા પણ વિદ્યાર્થીઓને મતદાન પ્રક્રિયા, તેનું મહત્વ અને તેની અસર અંગે માર્ગદર્શન આપવામાં આવ્યું હતું.સ્થાનિક સ્વરાજ્યની ચુંટણીને સફળ બનાવવા માટે જિલ્લા સ્તરે વિવિધ જાગૃતિ અભિયાન ચલાવવામાં આવી રહ્યા છે, જેમાં રેલી, પોસ્ટર સ્પર્ધા, શપથવિધિ સહિતના કાર્યક્રમોનો સમાવેશ થાય છે. આ તમામ પ્રયાસોનો મુખ્ય હેતુ એ છે કે વધુમાં વધુ નાગરિકો મતદાનમાં ભાગ લે અને લોકશાહી પ્રક્રિયામાં સક્રિય બને.આ રીતે બોટાદ જિલ્લામાં યોજાયેલી નિબંધ સ્પર્ધાએ વિદ્યાર્થીઓમાં મતદાન પ્રત્યે જાગૃતિ વધારવામાં મહત્વપૂર્ણ ભૂમિકા ભજવી છે અને ભવિષ્યમાં જવાબદાર નાગરિકો ઘડવામાં મદદરૂપ બની છે.
---------------
હિન્દુસ્થાન સમાચાર / GONDALIYA DISHANT
