નવી દિલ્હી, 26 મે (હિ.સ.). પેટ્રોલ અને ડીઝલની કિંમતોમાં વધારાના બરાબર એક દિવસ પછી આજે સીએનજીની કિંમતમાં વધારો કરવામાં આવ્યો છે. આજથી સીએનજીનો દર 2 રૂપિયા પ્રતિ કિલોગ્રામ વધારી દેવામાં આવ્યો છે. 15 મે પછી આ ચોથો વધારો છે. આ ફેરફારથી રાષ્ટ્રીય રાજધાની દિલ્હીમાં સીએનજીની કિંમત હવે 83.09 રૂપિયા પ્રતિ કિલોગ્રામ થઈ ગઈ છે.
આ પહેલા સીએનજીની કિંમતમાં 15 મેના રોજ 2 રૂપિયા, 18 મેના રોજ 1 રૂપિયો અને 23 મેના રોજ 1 રૂપિયાનો વધારો કરવામાં આવ્યો હતો. તેની અસર સૌથી વધુ દિલ્હી-એનસીઆરમાં જોવા મળી શકે છે. અહીં ઓટો, ટેક્સી, સ્કૂલ વેન અને પ્રાઇવેટ કારોમાં સીએનજીનો સૌથી વધુ ઉપયોગ થાય છે. ઇંધણની કિંમતોમાં સતત વધારાથી પરિવહન ખર્ચ અને ઘરેલું બજેટ પર દબાણ વધવાની આશંકા છે.
આ વધારો મધ્ય પૂર્વમાં ચાલી રહેલા તણાવને કારણે જોવા મળી રહ્યો છે. હોર્મુઝ જલડમરુમધ્યમાં જહાજોની અવરજવર પ્રભાવિત થઈ છે. મધ્ય પૂર્વમાં ઈરાન અને અમેરિકા વચ્ચે લગભગ 12 અઠવાડિયાથી ટકરાવ ચાલુ છે. આ કારણે વૈશ્વિક ઉર્જા બજારમાં કિંમતો સતત વધી રહી છે. કાચા તેલની કિંમતોમાં પણ ઉછાળો જોવા મળી રહ્યો છે. ગઈકાલે પેટ્રોલ-ડીઝલની કિંમતોમાં ઉછાળા પછી આ વર્ષે પહેલીવાર કિંમતો 100 રૂપિયાને પાર થઈ ગઈ છે.
હિન્દુસ્થાન સમાચાર / મુકુંદ
હિન્દુસ્થાન સમાચાર / ડો.હિતેશ એન.વ્યાસ
