ઉરઈ, નવી દિલ્હી, 04 મે (હિ.સ.). ઉત્તર પ્રદેશના જાલૌન જિલ્લામાં આજે સવારે એક માર્ગ અકસ્માતમાં 6 લોકોનાં મોત થયાં છે, જ્યારે અન્ય 4 લોકો ગંભીર રીતે ઘાયલ થયા છે. આ અકસ્માત ઝાંસી-કાનપુર નેશનલ હાઈવે પર કાલપી વિસ્તારના જોલ્હુપુર ગામ પાસે થયો હતો.

પોલીસના જણાવ્યા અનુસાર, એક ટવેરા કારમાં સવાર પરિવાર અયોધ્યામાં શ્રીરામ મંદિરના દર્શન કરીને લલિતપુર પરત ફરી રહ્યો હતો. આ દરમિયાન કાર અનિયંત્રિત થઈને પલટી ગઈ હતી અને તેમાં સવાર તમામ લોકો ફસાઈ ગયા હતા. માહિતી મળતાની સાથે જ પોલીસ પ્રશાસન અને બચાવ દળ ઘટનાસ્થળે પહોંચી ગયા હતા અને કારના દરવાજા કાપીને ઘાયલો અને મૃતદેહોને બહાર કાઢ્યા હતા.

તમામ લોકોને નજીકની હોસ્પિટલમાં મોકલવામાં આવ્યા હતા, જ્યાં ડોક્ટરોએ 6 લોકોને મૃત જાહેર કર્યા હતા. બાકીના 4 ઘાયલોની હાલત ગંભીર છે. અકસ્માત બાદ હાઈવે પર લાંબો જામ લાગી ગયો હતો. પોલીસ મૃતકો અને ઘાયલોની ઓળખ કરવામાં લાગી છે.

હિન્દુસ્થાન સમાચાર / વિશાલ કુમાર વર્મા / મુકુંદ

હિન્દુસ્થાન સમાચાર / ડો.હિતેશ એન.વ્યાસ