કોલકતા, નવી દિલ્હી, 20 જૂન (હિ.સ.). વડાપ્રધાન નરેન્દ્ર મોદી, પશ્ચિમ બંગાળના હુગલી જિલ્લાના તારકેશ્વરથી વડાપ્રધાન કિસાન સન્માન નિધિ (પીએમ-કિસાન) યોજનાનો 23મો હપ્તો જારી કરશે. આ પ્રસંગે વડાપ્રધાન દેશભરના કરોડો ખેડૂતો સાથે વર્ચ્યુઅલ માધ્યમથી સંવાદ કરશે અને તેમને સંબોધિત કરશે.

વડાપ્રધાન દ્વારા જારી કરવામાં આવનારા આ હપ્તા હેઠળ, દેશના 9.44 કરોડથી વધુ ખેડૂત પરિવારોના ખાતામાં પ્રત્યક્ષ લાભ હસ્તાંતરણ (ડીબીટી) ના માધ્યમથી 18,880 કરોડ રૂપિયાથી વધુની રકમ ટ્રાન્સફર કરવામાં આવશે. આ રકમ સીધી ખેડૂતોના બેંક ખાતામાં જમા કરવામાં આવશે.

પીએમ-કિસાન યોજનાની શરૂઆતથી અત્યાર સુધીમાં દેશભરના 11 કરોડથી વધુ ખેડૂતોને 22 હપ્તાઓ દ્વારા 4.28 લાખ કરોડ રૂપિયાથી વધુની નાણાકીય સહાય પૂરી પાડવામાં આવી છે.

કેન્દ્ર સરકારનું કહેવું છે કે, પીએમ-કિસાન યોજના ખેડૂતોની આવક વધારવા અને કૃષિ ક્ષેત્રને મજબૂત બનાવવાની દિશામાં એક મહત્વપૂર્ણ પહેલ છે, જેના દ્વારા પાત્ર ખેડૂત પરિવારોને નિયમિત આર્થિક સહાય પૂરી પાડવામાં આવી રહી છે.

હિન્દુસ્થાન સમાચાર / ઓમ પરાશર / સંજીવ પાશ

હિન્દુસ્થાન સમાચાર / ડો.હિતેશ એન.વ્યાસ