નવી દિલ્હી, 22 જૂન (હિ.સ.). વડાપ્રધાન નરેન્દ્ર મોદીએ જણાવ્યું છે કે, આંતરરાષ્ટ્રીય યોગ દિવસની અભૂતપૂર્વ સફળતા એ વાતનો પુરાવો છે કે, યોગ માત્ર વિશ્વભરના કરોડો લોકોને શારીરિક રીતે સ્વસ્થ જ નથી બનાવી રહ્યો, પરંતુ તેમને આત્મવિશ્વાસ સાથે સકારાત્મક જીવન જીવવાની પ્રેરણા પણ આપી રહ્યો છે.

વડાપ્રધાને સોમવારે સોશિયલ મીડિયા પ્લેટફોર્મ 'એક્સ' પર સંસ્કૃત સુભાષિત શેર કરીને યોગના મહત્વ અને જીવન પર તેની સકારાત્મક અસરને રેખાંકિત કરી હતી. વડાપ્રધાને લખ્યું કે -

चित्तप्रशमनोपायो योग इत्यभिधीयते। प्राणस्पन्दनिरोधो वा द्वेधा योगस्य धारणा॥

તેનો અર્થ એ છે કે, યોગ મનને સંપૂર્ણપણે શાંત અને સ્થિર કરવાનો સર્વોત્તમ ઉપાય છે. આ લક્ષ્ય પ્રાપ્ત કરવા માટે યોગના બે મુખ્ય માર્ગો દર્શાવવામાં આવ્યા છે - મનને શાંત કરવું અને શ્વાસોચ્છવાસની ગતિને નિયંત્રિત કરવી. યોગ દ્વારા વ્યક્તિ માનસિક સંતુલન, આત્મિક શાંતિ અને સકારાત્મક ઊર્જા મેળવી શકે છે.

વડાપ્રધાને કહ્યું કે, યોગ આજે વિશ્વભરમાં લોકોના જીવનનો એક મહત્વપૂર્ણ ભાગ બની ગયો છે અને તે સ્વસ્થ, સંતુલિત અને આત્મવિશ્વાસથી સભર જીવન જીવવાનો માર્ગ મોકળો કરી રહ્યો છે.

હિન્દુસ્થાન સમાચાર / માધવી ત્રિપાઠી / અમરેશ દ્વિવેદી

હિન્દુસ્થાન સમાચાર / ડો.હિતેશ એન.વ્યાસ