પાટણ, 12 જુલાઈ (હિ.સ.) : પાટણ નગરપાલિકા વિસ્તારમાં શહેરના નગરસેવકો દ્વારા પર્યાવરણ સંરક્ષણને પ્રોત્સાહન આપવા વૃક્ષારોપણ કાર્યક્રમનું આયોજન કરવામાં આવ્યું હતું. શહેરના વિવિધ સ્થળોએ વૃક્ષો વાવી હરિયાળા અને સ્વચ્છ પાટણના નિર્માણ માટે મહત્વપૂર્ણ પહેલ કરવામાં આવી હતી.

કાર્યક્રમ દરમિયાન નગરસેવકો અને સ્થાનિક અગ્રણીઓએ પર્યાવરણ જાળવવાની સામૂહિક જવાબદારી પર ભાર મૂક્યો હતો. તેમણે જણાવ્યું કે વૃક્ષારોપણ જેવા કાર્યક્રમો નિયમિત યોજાતા રહે તો શહેરમાં હરિયાળી વધશે અને પર્યાવરણનું સંતુલન જળવાઈ રહેશે.

આ પ્રસંગે ઉપસ્થિત તમામ લોકોએ વધુમાં વધુ વૃક્ષો વાવવાનો અને તેનું જતન કરવાનો સંકલ્પ વ્યક્ત કર્યો હતો. આ વૃક્ષારોપણ અભિયાન માત્ર ઔપચારિક કાર્યક્રમ નહીં, પરંતુ શહેરમાં પર્યાવરણીય જાગૃતિ ફેલાવવા અને પ્રકૃતિ પ્રત્યે જવાબદારીનો મજબૂત સંદેશ આપતો સરાહનીય પ્રયાસ સાબિત થયો હતો.

હિન્દુસ્થાન સમાચાર / હાર્દિક રાઠોડ