મહેસાણા, 15 જુલાઈ (હિ.સ.) મહેસાણા તાલુકાના લક્ષ્મીપુરા (ખારા) ગામની મુલાકાત દરમિયાન અધિકારીઓએ અનુપમ પ્રાથમિક શાળાની મુલાકાત લઈને શિક્ષણની ગુણવત્તા, શૈક્ષણિક પ્રવૃત્તિઓ અને શાળાની કામગીરીનું અવલોકન કર્યું હતું. આ દરમિયાન વિદ્યાર્થીઓને ગુણવત્તાયુક્ત શિક્ષણ મળી રહે તે માટે શિક્ષકોને જરૂરી માર્ગદર્શન આપવામાં આવ્યું હતું.

ત્યારબાદ અધિકારીઓએ ગામના મહેસૂલી રેકોર્ડની ચકાસણી કરી એપેન્ડિક્સ-એ તપાસણી ફોર્મ ભરવાની કાર્યવાહી પૂર્ણ કરી હતી. નિરીક્ષણ દરમિયાન સંબંધિત કર્મચારીને મહેસૂલી રેકોર્ડની નિયમિત જાળવણી, દસ્તાવેજોની યોગ્ય નોંધણી અને કામગીરી સુવ્યવસ્થિત રીતે જાળવવા અંગે જરૂરી સૂચનાઓ આપવામાં આવી હતી.

આ મુલાકાતનો મુખ્ય હેતુ શિક્ષણની ગુણવત્તા સુધારવાની સાથે સરકારી રેકોર્ડની પારદર્શક અને નિયમિત જાળવણી સુનિશ્ચિત કરવાનો હતો.

હિન્દુસ્થાન સમાચાર / RINKU AMITKUMAR THAKOR